Del Piero: Futbollin e bazoj në shqisat e mia

Kapiteni i Juventusit, Alessandro Del Piero, ka njoftuar se e veçanta e gjuajtjeve të lira të cilat i ekzekuton ai është se ata përfundojnë në rrjet. Ikona e Juves ishte protagonisti kryesor në takimin e të dielës kundër Chievos duke shënuar një supergol nga gjuajtja e lirë, i cili ishte goli i pestë nga gjuajtjet e lira i shënuar nga mjeshtri Alex në të gjitha garat këtë sezon. “Sorrentino (portieri i Chievos) e vendosi shumë mirë murin, mirëpo unë gjithmonë futbollin e bazoj në shqisat e mia, e ndjej. Ndoshta është pikërisht kjo arsyeja pse gjuajtjet e mia dallojnë”. “Të them të drejtën ka mënyra të shumta për ekzekutimin e gjuajtjeve të lira. Ndërsa e rëndësishmja është se topi përfundon në rrjet”, ka shpjeguar Del Piero.