“Momentalisht, askush si Aleksi”

Claudio Ranieri dhe Juventusi i tij regjistrojnë fitoren e gjashtë radhazi dhe avancojnë bindshëm në Serinë A. Pas periudhës së rezultateve negative, trajneri bardhezi ka rifituar besimin e tifozerisë dhe gjithë opinionit sportiv, të cilët i kanë vënë nofkën e “Ajnshtajnit” (Einsteinit). “Çelësi i këtyre fitoreve radhazi është skuadra, e cila gëzon një formë të shkëlqyer fizike e psikologjike. Tashmë nuk i frikësohemi asgjëje. Futemi në fushë të bindur mbi potencialin tonë dhe rezultatet janë të dukshme. Pastaj në brendësi të këtij grupi lojtarësh kemi këtë kampion të vërtetë si Aleksi. Aktualisht askush nuk është më i fortë se ai. Përveçse të qenit kapiteni i kësaj skuadre, ai është lideri i padiskutueshëm i Juventusit, i cili ka mbajtur mbi shpatulla periudhën e vështirë të dy javëve me parë dhe gjithë të tjerët e kanë ndjekur. Një meritë e madhe e fitoreve tona i shkojnë vetëm atij, - deklaron Ranieri, i cili kërkon të qëndrojë me këmbë në tokë kur pyetet mbi mundësinë për të fituar titullin. – Favoritet për kampionatin janë Milani dhe Interi, por ne do të bëjmë kampionatin tonë”. Ndërkohë, një tjetër lajm i mirë për bardhezinjtë vjen nga Gjermania, ku duket se mesfushori i Werder Bremenit, Diego është shumë pranë Juventusit. Një gjë e tillë është konfirmuar dje nga drejtori sportiv i formacionit gjerman, Klaus Allofs.