Shume njerez jane cuditur nga letra e hapur qe Juventusi u ka bere drejtuesve te futbollit italian, por historia e Serie A-se tregon se nje gje e tille ka ndodhur edhe 40 vite me pare, duke u shoqeruar me polemika nga Interi. Ne vitin 1967, presidenti i atehershem i Juventusit, Vitorie Katela, shkroi nje leter te tille ndaj drejtuesve te FIGC pas nje goli te paakorduar per De Paolin ne ndeshjen me Lazios. Ne te kerkohej "nderhyrje jo per te mbrojtur Juventusin, por per te mbrojtur ndershmerine e kampionatit italian". Reagimi i Kateles solli edhe irritimin e Interit, qe drejtohej nga Angelo Moratti, babai i presidentit aktual te zikalterve, i cili e vleresoi letren si " nje prove histerizmi". Ndersa trajneri Helenio Herrera nuk u kursye duke deklaruar se "Juventusi protestonte per te influencuar gjyqtaret", deklarate e njejte me ate te Mancinit ne ditet e sotme. Katela nuk vonoi te pergjigjej. "Ai e njeh mire kete fushe, pasi perdor gjithemone metoda te tilla", ndersa me pas shpertheu edhe kunder Morattit. "Te vetmet histerizma qe me kujtohen jane ato qe kane lidhje me drejtuesit interiste dhe anetaret e familjes Moratti", ishte komenti i presidentit te Juventusit. Kunderpergjigjeja e Angelo Morattit nuk vonoi. "Nese vendosen ne te njejtin nivel entuziazmi i paster i te rinjve si femijet e mi dhe histeria helmuese e atyre qe duan te turbullojne me cdo kusht ujerat e sportit, tregohet qarte se eshte perfunduar rastesisht ne boten e sportit, noshta vetem per qellime zgjedhore". Ne ate sezon titullin e siguroi Juventusi vetem ne javen e fundit, ndersa 40 vjet me vone interistet shpresojne qe historia te mos perseritet.
Ne pritje te koheve me te mira ne kampionat, Juventusi ben llogarite dhe per ardhjet e reja qe mund te japin impulsin e duhur ne cilesi, per te konkuruar me arme te barabarta ndaj Interit e te tjereve. Per nje vend ne Ligen e Kampioneve duhet te investosh ne emra konkrete dhe spektakli i bardhezinjve nuk mund te mbeshtetet vetem ne garden e vjeter. Objektivi i radhes per Juventusin eshte zhvendosur ne Londer per te tentuar transferimin e francezit Flamini, i cili ka permbysur skenarin e parashikuar per te. Mesfushori i Arsenalit ka refuzuar nje kontrate te re te ofruar nga ''Topcinjte", e cila parashikon qe transalpini te marre 2 milion euro ne sezon per 5 vjet. Frika per te humbur Flaminin eshte shprehur dhe nga trajneri Arsene Wenger, i cili ka thene se synimi kryesor eshte te mbaje grupin e bashkuar. Rasti i pare i diskutueshem eshte pikerisht 24 vjecari. Ky i fundit ka hedhur poshte nje rinovim me ekipin i cili e lancoi mes me te mireve dhe dyshimet e drejtuesve jane se ka arritur nje marreveshje paraprake me torinezet.
Trajneri i Juventusit, Claudio Ranieri ka mbetur i kenaqur me paraqitjen e ekipit te tij ne derbin torinez. "Nuk mendoj se ishte ndonje derbi i madh ne aspektin teknik. Te dyja ekipet deshiruan te fitojne, por ne nuk ishim te shkelqyeshem ne aspektin e lojes me topa te gjate ne fushe, ne deshironim te fokusoheshim me shume ne kalimin e topave tek Nedved dhe Camoranesi", ka thene Ranieri. Juventus arriti nje barazim pa gola perballe Torinos. Juventus dominoi gjate gjithe periudhes, por nuk arriti te kaloje ne avantazh. Ky barazim, pa dyshim shkon ne favor te Romes, qe do te kerkoje fitore perballe Interit, ne kerkim per ta shtuar diferencen me bardhezinjte dhe per ta ngushtuar me zikaltrit.
Java e 25-te e Serie A-se eshte hapur me nje ndeshje te madhe: derbi numer 223 i Torinos. Ne kete sfide Juventusi ka zbritur ne fushe me Palladinon ne krahun e djathte dhe ciftin Sissoko - Camoranesi ne qender te mesit te fushes. Trajneri i skuadres "granada", Novellino ka preferuar Recoben ne vend te Rossines. Takimi eshte luajtur shume i ekuilibruar dhe momenti i vetem qe mund te vecohej ne 25 minutat e para ishte largimi nga fusha e Natallit, qe eshte goditur rende nga portieri Sereni. Rasti me i mire ne 45 minutat e para regjistrohet nga Iaquinta, qe devijon bukur me koke, por "gardiani" i Torinos ka larguar rrezikun. Fraksioni i dyte i lojes ka filluar me dy demtime per skuadren e Novellinos, Diana zevendesohet nga Rossina dhe Stelone, qe gjakoset ne koke por vazhdon lojen. Ne minuten e 62-te, Palladino shenon per bardhezinjte, megjithate aksioni ndalohet per pozicion jashte loje. Pas tij jane Del Piero dhe Iaquinta qe tentojne, por pa mundur te pershendesin rrjeten. Torino kunderpergjigjet me goditjet e denimit te Rossinas ne minuten e 74-t, por traversa shpeton Buffon. Mes tensionit dhe kartonit te kuq per Nedved (gjesti anti-sportiv ne syte e gjyqtarit), derbi perfundon ne barazim 0-0, me Juventusin ne kuoten e 48 pikeve duke humbur shansin per t'u afruar me Romen. Tashme rreziku nga Milani dhe Fiorentina ne garen per vendin e trete, eshte real.
Juventusi nuk duron dot më dhe nis një letër të hapur, të publikuar pikërisht në adresën e vet zyrtare në internet, adresuar presidentëve të Federatës Italiane të Futbollit dhe presidentit të Shoqatës së Gjyqtarëve Italianë. "Edhe një herë, - lexohet në letër, - Juventusi është dëmtuar dukshëm nga vendimet e gjyqtarit të ndeshjes."Tani ankohet Juvja, kohët vërtet kanë ndryshuar. Era e "Triadës" duket tashmë larg futbollit, kur në të vërtetë bëhet fjalë vetëm për dy vjet largësi, por situata me klasën e gjyqtarëve ka ndryshuar dukshëm, siç tregon ndeshja me Rexhinën. Pas kësaj, presidenti Xhiovani Koboli Xhilji "rebelohet". "Gjatë këtij kampionati, por edhe të shkuarit, Juventusi ka kërkuar gjithnjë ta ulë trysninë ndaj klasës së gjyqtarëve, duke shmangur shtimin e polemikave të ashpra dhe duke pranuar me "fair-play" vendimet edhe në favorin tonë," shpjegon numri një bardhezi në letrën e hapur. Një sjellje që, për fat të keq, në bazë të ngjarjeve në Rexhio Kalabria duhet të rikonsiderohet. Edhe një herë, gjatë këtij sezoni, Juvja është dëmtuar në mënyrë të dukshme nga gjyqtari i ndeshjes." Fjalë të drejtuara Federatës Italiane të Futbollit dhe Shoqatës së Gjyqtarëve Italianë, që tani janë thirrur për të ndërhyrë. "Përsëritja e episodeve kaq të rënda të detyron të kërkosh një ndërhyrje nga organizmat maksimale federale në siguri të rregullsisë së kampionatit e në ruajtje të përkushtimit dhe profesionalitetit të lojtarëve, teknikëve, drejtuesve të Juventusit, - vazhdon Koboli Xhilji. - Federata ka detyrë të vëzhgojë në bazë të rregullave dhe të sigurojë ndershmërinë e veprimtarisë sportive, e vënë në diskutim nga papërshtatshmëria e një pjese të gjyqtarëve." "Zonja e vjetër" rithekson problemin se gjyqtarët nuk i drejtojnë qetë ndeshjet e skuadrës së Ranierit, duke nënvizuar që bardhezinjtë kanë paguar për gabimet e kaluara: "Ajo që duket e sigurt është se Juventusi nuk mund të vazhdojë të paguajë përgjegjësitë për të cilat ka marrë një dënim shumë të ashpër në të kaluarën dhe nga e cila po ngrihet, edhe falë pasionit të tifozëve të vet, që në mënyrë të ligjshme kërkojnë respekt". Klubi juventin e fton Federatën Italiane të Futbollit dhe Shoqatën e Gjyqtarëve të ndërhyjë para se të fillojë faza delikate e sezonit: "Në një fazë vendimtare të kampionatit, si dhe në prag të vendimeve strategjike për të ardhmen financiare të klubit, Juventusi rikërkon që Federata Italiane e Futbollit të marrë masa të menjëhershme dhe efikase për të shëruar një gjendje vërtet të rëndë. Duhet gjetur besimi te klasa e gjyqtarëve dhe t'i jepet një drejtim futbollit italian. Një botë që bazohet te pasioni, përkushtimi, por edhe te kompetencat dhe profesionaliteti, që nuk mund të hidhen poshtë nga një element që përpiqet ta mbyllë të renë dhe të reagojë me irritim ndaj kritikave".
Sashka u hodh tashmë dhe u takon gjyqtarëve të flasin në fushë gjithnjë, që edhe formacionet e tjera të Serisë A të mos vendosin të protestojnë sipas radhës kundër "bilbilave". Në një rast të tillë, jeta e gjyqtarëve do të bëhej edhe më e vështirë, duke shtuar trysninë psikologjike.
Nga Napoli në Rexhio Kalabria, bardhezinjtë kanë gati një dosje me gabimet e arbitrave
Ranieri: Gjyqtari na zemëroi të gjithëve
Është një polemikë që nis nga larg, aq sa që në tetor filluan ankesat e Koboli Xhiljit, autor i një dosjeje mbi gabimet e gjyqtarëve të pësuara nga "Zonja", që iu shpërnda edhe klubeve të tjera pas ndeshjes me Napolin. Pastaj pati disa debate të vogla në ditët e mëpasme, deri te renditja virtuale e përpiluar me saktësi nga "Gazzetta dello Sport" pas javës së 21-të të kampionatit. Juvja duhej të kishte qenë në krye, me tri pikë larg Interit e Romës. Ajo "dosje", që mbante një seri vërshëllimash të padhëna nga "moviolat", mbi linjën false të mbajtur nga Milani sezonin e shkuar, kishte si përfundim një renditje të plotë, me gabime dhe favore. Kur Koboli Xhilji hyri në federatë për t'ua treguar dosjen kolegëve, nuk e mendonte se gjërat do të përkeqësoheshin. Kësisoj, në bazë të numrave (edhe këta "subjektivë", sepse aritmetika e futbollit është pa dyshim e interpretueshme), telashet vazhdojnë, duke prekur edhe fundin, madje të shtunën në mbrëmje në Rexhio Kalabria.
Jemi në javën e 24-t dhe e diela juventine është një tjetër ditë shqetësuese, me një të shtunë plot mllef dhe polemika. Nëse Napoli dhe Rexhina janë raste emblematike, ato që e kanë bërë të padiskutueshëm reagimin e fortë të presidentit bardhezi. Janë një seri gabimesh të tjera të gjyqtarëve, që mund të vihen në dukje, duke ripërshkruar sezonin juventin. Në "Olimpiko" kundër Sampdorias, për shembull gjyqtari Sakani mohoi një 11-metërsh të dukshëm për Trezegenë, i penguar nga portieri Akardi. Përfundoi 0-0, me Ranierin që mbyllte polemikat. Një linjë e ndjekur gjatë nga klubi juventin, të paktën deri dje. Tani që seria e gabimeve të gjyqtarëve u bë "baltë", edhe trajneri i "Zonjës" bën apel se me cilin duhet të përballet për t'i sqaruar këto gjëra. "Jemi të gjithë të zemëruar, të befasuar. 11-metërshat janë vetëm pika "e ajsbergut". Nuk kanë rëndësi 11-metërshat e padhënë, unë flas për të gjitha vendimet e tyre. Ishte një mbrëmje e keqe e gjyqtarit. Ne të gjithë jemi të mërzitur, me lojtarë dhe tifozë. U befasuam që nuk na u dhanë dy 11-metërsha, që nuk u dhanë tre kartonë të verdhë. Gjyqtari nuk më pëlqeu, e them qartë."
Shpreson të jetë në derbi
Bufoni, shëtitje në rrugët e Milanos
Një e shtunë në familje, për të psonisur në qendër të Milanos. Ndërsa Juvja ishte në Rexhio Kalabria, Xhixhi Bufon ka përfituar nga turni pushim, i dhënë nga grupi mjekësor dhe trajneri, për të nxjerrë shëtitje të fejuarën Alena Seredeova dhe të voglin Luis Tomas. Portieri i Juventusit dhe i kombëtares italiane është parë nga disa tifozë teksa po hynte në "Osteria del Corso", në rrugën "Garibaldi", ndërsa shtynte karrocën e djalit të tij. Pavarësisht se ishte i shoqëruar me familjen, Bufoni iu nënshtrua menjëherë ritit të autografëve dhe fotografive, duke treguar një shëndet të mirë para tifozëve të pranishëm. "Tani jam mirë, - tha Xhixhi. - Vendosëm me klubin ta shmangim transfertën me Rexhinën, sepse derbin e nesërm pikërisht nuk mund ta humbas, por edhe ndaj Fiorentinës të dielën që vjen dua të jem në fushë me 100%."
Reggina: Campagnolo, Cirillo, Aronica, Valdes, Lanzaro, Vigiani, Cascione(Tognozzi),
Juventus vazhdon te shpresoje per te marre ne Torino lojtarin e Chelsesa, Frank Lampard. Mesfushori anglez ka deklaruar se do ishte bukur te vazhdonte karrieren ne nje vend tjeter. Ne radhe per te blere Lampard jane edhe katalanasit e Barcelones qe i kane ofruar nje shume jo te vogel pronarit rus te Chelsea, Roman Abramovich.
Klubi futbollistik me rekord trofe ne Itali, Juventus, vendosi qe te perfitoje dhe prej stadiumit te tij i cili ne moment eshte duke u renovuar. Mediat italiane tregojne se drejtuesit e klubit planifikojne te nenshkruajne kontrate me nje kompani me te cilen do te ishte brenduar stadiumi, sikur qe eshte ceshtja ne Gjermani, ose per ndryshe ne Stadiumin e Arsenalit ne Londer. "Microsoft", "Coca Cola" dhe "Sony" jane kompanite e para boterore me te medha me te cilen eshte biseduar per kete teme. Spekulimet tregojne se shuma per kesi lloj sponzorimi eshte 50 milion euro. Juventus ndeshjet i luan ne stadiumin "Olimpico" ne Torino, mirepo me renovimin e "Delle Alpit", ekipi do te rikthehet ne kete stadium.
Vinczenzo Iaquinta sigurisht do t'i bashkangjitet Buffonit i cili eshte i lenduar ne kete fundjave kur Juventusi luan ndeshjen kunder Regginas. Ish lojtari i Udineses, Vincenzo Iaquinta ankoheshte me dhimbje ne shpine ne kohen kur ushtronte sot, dhe me siguri edhe ai ne Vinovo do te kerkoje ndihme prej fizioterapisteve. E premtja do te jete dita e fundit ku do te vendoset qe a do te jete i gatshem per loje apo jo, mirepo pritet qe Ranieri ne loje te vendos dyshen e rrezikshme Del Piero - Trezeguet kunder ndeshjes me Reggina. Trezeguet qe moti ankoheshte nga nje grip qe e kishte kapluar ate dhe nuk mori pjes ne ushtrimet e sodit me klubin, por Ranieri beson qe ai do te jete ne dispozicion te shtunen ne kete ndeshje. Portieri i Juventusit, Gianluigi Buffon gjithashtu do te mungoje ne kete ndeshje, ngase po ndjen dhimbje ne shpine dhe do te jete i gatshem ne ndeshjen Derby kunder Torinos, javen e ardhshme.
Chiellini edhe njehere filloi luften verbale me Interin neper mediume, duke thene se eshte i kenaqur me humbjen e Interit ne Anfield Road, te marten. Juve dhe Inter ngelen kundershtaret me te medhenj qe kur Juventus ishte rrezuar ne Ligen e dyte te Italise dhe i ishin terhequr dy trofet e fituar ne ligen italiane ne kohen kur Calciopoli goditi futbollin italian. Chiellini eshte njeri prej simboleve te Juventusit te cilet jane me te kyqur ne kete lufte te mediave te te dy klubeve dhe i cili vazhdimisht e ruante Zlatan Ibrahimovicin ne kohen kur Juventusi u ndesh me Interin ne krye te liges italiane Serie A i cili mbaroi me rezultatin 1-1. "Nuk isha i kenaqur me rezultatin ne Anfield. Te gjithe e dime qe ekziston rivalitet mes klubeve," - thekson Chiellini. Juventus jane momentalisht ne poziten e trete ne tabelen e Serie A me 12 pike me pak se Interi, por vetem nje pike ndaj Romes e cila mban pozicionin e dyte ne kete radhitje tabelare.
Sipas shenimeve te Tuttosport, Juventus i bashkangjitet Interit ne ngecjen e nenshkrimit te lojtarit te talentuar kroat Ivan Rakitic. Lojtari 19 vjecar i Schalke 04 kete sezon po tregon lojera fantastike, me te cilen terhoqi vemendjen nga Interi, per te cilen lojrati theksoi:'' PO, ka pasur kontakte dhe sigurisht qe jam i interesuar. Inter eshte klub i madh te cilit nuk mund t'i thuhet "Jo". Vendimin themelor duhet ta sjelle Schalke, ndersa une ne kete moment jam i koncentruar vetem ne lojen time". Ndersa, Inter nuk eshte ekipi i vetem qe eshte i interesuar per nenshkrimin e lojtarit, Juventus eshte gati per te te derdhe rreth 9 milion euro, ndersa prapa shansin e vet e oret edhe Liverpooli.
Presidenti i Interit, Massimo Moratti, thote se eshte perzemersisht i befasuar me faktin se sa mire po ia del Juventus gjate ketij sezoni, pas rikthimit ne Serie A. "Vertet kam qene i befasuar nga skuadra e tyre. Nuk kam menduar se pas gjithe asaj cfare ndodhi ata do te jene konkurrues, me kokefortesi, krenari dhe rezultat. Shume mire po ia dalin", ka thene Moratti rreth bardhezinjeve ne nje interviste per Gazzetta dello Sport". Derisa Interi u forcua ne poziten e pare pas fitores 2-0 ndaj Livornos gjate te shtunes, edhe Juventus beri nje hap perpara duke fituar nje ndeshje te rendesishme ndaj Romes ne Torino me rezultat 1-0, dhe duke ngushtuar ne nje diferencen e pikeve me ekipin e kryeqytetit.
Sërish një hap. Një, sepse tani janë 195 gjëra që kanë të përbashkëta Alessandro Del Piero dhe David Trezeguet. Janë golat që të dy kanë shënuar bashkë në Serinë A me fanellën e Juventusit. Vetëm Çarlsi dhe Sivori kanë bërë më shumë: 196. Akoma dhe një hap, një tjetër sforcim i vogël, sepse tani Roma dhe vendi i dytë janë larg vetëm me një pikë. Sërish një tjetër 1, kështu numrat e parë do të ndihen disi vetëm. Del Piero shikon barrierën, godet topin dhe e çon në kryqëzimin mes dy shtyllave. Pastaj feston para fotove bardhezi të Platinisë dhe Bonipertit. Ndërkohë, kapiteni ka shënuar 10 gola në këtë kampionat. Si numri që mban mbi shpinë, si golat që i ka shënuar në karrierë Romës. Si numri i fanellës që Toti ia mori në kombëtare. ALE NË FORMË - Vërtet, goli i fundit i kapitenit është pjesa më e fortë e një repertori të konsoliduar nga goditjet standarde. Por ka edhe diçka tjetër dhe këtu është e bukura. U kushtohet atyre që "katër vjet më parë" thonin se Del Piero nuk vraponte më. Vrapon, madje më shumë se më parë. Duket teksa lufton mes një "pylli" këmbësh kundërshtarësh në zonën e rreptësisë. E kupton edhe kur Ranieri vendos të mbulohet, aktivizon Sissokon dhe thërret jashtë një sulmues. Një tjetër sulmues, Trezeguet, dhe jo kapitenin.
Duket që francezi nuk e mori mirë; vesh tutat bardhezi dhe drejtohet në dhomat e zhveshjes. Kampionët kështu janë bërë, pastaj ishte dhe ftohtë. Në të vërtetë, Nevedi qëndron në stol pasi ia la vendin Palladinos. Dhe Ranieri "përkëdhel" Alexin: "Është djalosh i artë. Stërvitet mirë dhe më shumë se të tjerët. Iu desh pak të kapte formën e duhur në fillim, ose nuk e aktivizoja, ose e zëvendësoja. Por tani Del Piero është një vlerë e shtuar për këtë Juve: do ta mbajmë dhe do ta përkëdhelim".
MBËSHTET DEL PIERO - Juventusi, që fiton dhe i afrohet vendit të dytë, është vetëm një hap larg Romës. Kush do ta mendonte një vit më parë? Një si Del Piero, për shembull. Po, ai e kishte parashikuar: "Po, kam thënë që gjithçka ishte e mundur. Të shtunën e konfirmuam, hymë në fushë të bindur se jemi në shtëpinë tonë, të bindur se do të luanim një ndeshje të madhe. Ia arritëm. Herë të tjera kemi luajtur ndeshje jo të mira, por shpirti ynë është gjithnjë i njëjtë. Nuk është e vërtetë që nuk ka cilësi në mesfushën tonë". Ja krenaria e kapitenit. Të gjithë e prisnin dhe ai ishte gati. E priste John Elkanni, nipi i avokatit, që në prag të ndeshjes i kishte kërkuar tri gola. I kënaqur është edhe ai: "Po, mjaftoi një, ai më i bukuri. Ai që vlen sa për tre për Juven. Pashë një ndeshje të fortë e me karakter." Presidenti Cobolli Gigli e kishte bërë një parashikim të tillë. Ai, një "nostalgjik i vjetër", e kishte parashikuar golin e kapitenit. "Po, e gjeta, tani besojmë vërtet te vendi i dytë." Një hap larg historisë. Një pikë larg Romës. Vërtet një mrekulli, nëse kështu do të rezultonte edhe në fund. Dhe Juvja e meriton.
Trajneri i Romës e kritikon skuadrën për interpretimin e gabuar të lojës në Torino
Spalleti: E kishim mendjen te Reali
Luciano Spalleti e komenton me hidhërim humbjen në "Olimpico" kundër Juves. "Në pjesën e parë dhamë pak, - tha ai. - Ishim pak konfuzë në interpretimin e situatave dhe në krijimin e lojës. Në pjesën e dytë luajtëm më mirë, por është e qartë që bëmë më pak nga ç'mund të bënim. Çfarë taktike me Realin? Do të varet nga paraqitja që do të bëjnë ata."
Është i ndërgjegjshëm që nesër, në ndeshjen me Realin e Madridit, duhet një tjetër Romë, me një vendosmëri të madhe dhe manovër më të plotë. Luciano Spaletti komenton i hidhëruar humbjen e skuadrës së tij, e paaftë të bëjë rezistencë para një Juventusi që fitoi falë një eurogoli të Del Pieros nga një goditje standarde. "Ishim të ngadaltë në fushë, nuk ishim të zotë të kuptonim ku kishim hapësira dhe ku nuk kishim, - nënvizoi Spalleti. - Nuk mund t'u lejohet kjo epërsi lojtarëve të aftë si ata të Juves."
Roma, në të vërtetë, u duk edhe psikologjikisht e dorëzuar dhe mendja te sfida me Realin mund të ketë ndikuar. "Ndoshta po, - pranon trajneri verdhekuq, - sepse lojtarët shohin ciklin e ndeshjeve që duhet të përballim dhe e dinë që ajo me Realin nuk mund të gabohet, ndërsa për të tjerat ka gjithnjë kohë për të qenë gati." "Merenguesat" humbën në kampionat të shtunën me Betisin në Sevilje, por Spaleti nuk e sheh aspak këtë si ogur të mirë: Nuk testoj për humbjet e të tjerëve dhe pastaj ata pësuan dy gola me topa të lartë, ndërsa ne jemi më të aftë me topat e ulët," vëren Spalleti. Pikërisht për këtë duhen gjetur zgjidhje të tjera për të marrë maksimumin dhe për të zbritur në fushë me vendosmëri të madhe, si të shtunën ndaj Juventusit. Ajo që shqetëson më shumë është edhe gjendja fizike e Tottit, i cili ndaj Juves thuajse nuk u shfaq fare në fushë. Me Realin duhet të ndihet patjetër "dora" e kapitenit, ndryshe edhe në Madrid gjërat mund të shkojnë siç ndodhën në "Olimpico."
Juventusi
Vendi i dytë tashmë është objektiv
Fitorja në "big-matchin" kundër Romës ka sjellë entuziazëm dhe bindje në shtëpinë e Juves. Objektivi, tani që u hodh "maska", është vendi i dytë, akoma i zënë nga verdhekuqtë, që tashmë janë vetëm një pikë para. "Ishte ndeshja më e rrezikshme e sezonit. Tani e dimë se cilën rrugë duhet të ndjekim," pohoi Buffoni.
Asnjë nuk kishte besuar te mrekullia, por tani që Roma u mund Juvja mund të kandidojë për vendin e dytë. S'është utopi që të arrish objektivin, duke e mbyllur kampionatin pas Interit: verdhekuqtë janë vetëm një pikë para dhe po përjetojnë formë jo të mirë. Pastaj formacioni verdhekuq duhet të përqendrohet te çerekfinalet e Ligës së Kampioneve dhe po humb motivimin në luftën për titull, duke parë që tani Interi është 11 pikë larg. Juvja, duke shfrytëzuar motivimin e madh dhe lodhjen e vogël, pasi nuk luan në kupat e Europës, bëhet kështu kandidatja më serioze për vendin e dytë. Për këtë edhe lojtarët janë të bindur. Buffoni është entuziazt dhe i karikon shokët, ndërsa Nikola Legrotalje pranon që vendi i dytë ka epërsitë e veta, për faktin se nuk luan në ndeshjet paraeliminatore të Championsit. "Jemi një pikë larg vendit të dytë, - pohoi mbrojtësi, - që të kualifikon direkt. Duhet të besojmë, rëndësi ka të arrijmë të dytët." I vetmi që frenon, siç është e drejtë të jetë, është trajneri Ranieri, që bën krahasimin: "Skuadra po luan shumë mirë, por unë jam mësuar të shoh fundin. Kuajt shihen në fund, tani jemi akoma në kthesë".
Taddei: Në sulm tani na njohin
Mexes e pranon: Po luajmë shumë dobët!
Është thënë shpesh se Roma kur luan dobët rrallë fiton. Skuadra e mirë, e krijuar nga Luciano Spalleti, tregon pikën e saj të dobët kur nuk është në formë, sepse rrezikshmëria e verdhekuqve vërehet që në minutat e para të lojës. Edhe kundër Juventusit u shfaq problemi kronik i verdhekuqve dhe në fund të ndeshjes asnjë nuk donte ta mohonte ekzistencën e problemit në prag të sfidës me Realin në Champions. "Jam vërtet i zemëruar, sepse po luajmë shumë dobët. Edhe unë duhet t'i jap vetes një të shkundur, sepse kështu nuk mund të vazhdohet," ka thënë pa terma gjysmake Filipe Mexes, duke gjetur edhe një aleat të vlefshëm si Rodrigo Taddei, që e mbështet. "Është periudha kur gjërat shkojnë keq, - pranoi braziliani, - por ndoshta është e gjithë skuadra që nuk po luan mirë. Në sulm, para së gjithash, duhet të bëjmë diçka më shumë, pasi kundërshtarët tashmë na njohin. Unë, Totti e Mancini nuk mund të luajmë kështu, duhet t'i përmirësojmë paraqitjet tona, nëse duam të rifillojmë të fitojmë."
Nestor Sivori, djali i legjendarit Omar Sivori, eshte fajtori kryesor per bindjen e drejtuesve te Zonjes te mendojne ne nenshkrimin e talentit argjentinas. Lojtari 18-vjecar Pablo Daniel Piatti momentalisht luan per Estudiantes dhe mund te jete surprize e vertete tek radhet e Juventusit dhe te sjelle kreativitet ne stilin e lojes se tyre. Trajneri Ranieri ndoshta ne fillim nuk mund te jete i bindur ngaqe pozicioni i Piattit, lojtar klasik me numrin 10, per te cilen nuk ka vend ne radhet e Ranierit. Por Piatti theksoi se eshte i gatshem te luaje ne cfaredo pozicioni. "Une do te doja te luaj si sulmues i dyte, por mund te pershtatem ne secilin rol" - theksoi Pablo Daniel Piatti.
Trajneri i Juventusit,Claudio Ranieri levderon Del Pieron i cili e shenoi golin e vetem ne ndeshjen kunder Romes. Me nje gjuajtje te shkelqyeshme nga nje gjuajtje te lire, Alessandro Del Piero i dhuroi nje fitore Juves kunder Romes, me te cilen Zonja e Vjeter iu afrua Romes ne vetem nje pike. Ne fituam duke u faleminderuar ne sakrifikimin e sulmuesve tone, dhe duke faleminderuar hijen e te gjithe lojtareve te cilet treguan me te miren ne kete ndeshje - theksoi Ranieri. Ranieri beri surprizen ne kete ndeshje kur lojen e filloi me tre sulmues, Del Piero - Trezeguet - Iaquinta. Zgjodha triaden Del Piero - Trezeguet - Iaquinta ngaqe jane ne forme te shkelqyeshme, dhe kjo me dukeshte e kuptishme. Ne gjithemone shiqojme perpara. Iu tregoj djemve qe secilen loje ta luajne sikur te jete loja e e fundit e tyre, gjithemone mundohemi te perparojme - thote Ranieri. Trajneri nuk i kurseu fjalet qe te levderoje lojtarin e ndeshjes. "Del Piero eshte absolutisht djali yne i arte, ai punon shume dhe me shume se sa te tjeret" - mbaroi Ranieri.
Portieri i Juventusit, Gianluigi Buffon thekson se deshiron qe te luaje futboll deri ne moshen 42 vjecare, ku dhe planifikon t'i jape lamtumiren portes se fushes se gjelbert. Ai e ndjen veten e tij te kenaqur dhe shpreson se deshira e tij per te luajtur futboll edhe shume gjate kohe pothuajse eshte e mundshme. Ai kishte shprehur kete deshire ne nje interviste te dhene per Gazzetta dello Sport ku thekson se futbolli eshte shtepia e tij. Vet Buffon ne kete interviste ka treguar se ka deshire te flakte per te vazhduar edhe shume kohe me martesen "Futboll". Ai nuk e fsheh idolizimin e tij ndaj portierit te reprezentacionit te Cameroonit Thomas N'Kono, i cili ne boterorin e vitit 1990 ne Itali kishte marre pjese ne moshen e tij 42 vjecare.
Drejtuesit e Juventusit jane vene ne kerkim te nje lojtari per krahun e majte te mesfushes, ku deri tani eshte aktivizuar Pavel Nedved. Zevendesuesi ideal i "Topit te Arte" duket se kerkohet ne Spanje, ku objektivi kryesor i bardhezinjeve eshte Diego Capel i Sevillas. Futbollisti 20-vjecar ka mahnitur te gjithe me shpejtesine dhe aftesine per te dribluar kundershtaret, ndersa ka nje cmim te perballueshem nga Juventusi, vetem 15 milion euro. Por bardhezinjte duhet te luftojne konkurrencen e Tottenhamit dhe Arsenalit.
Trajneri bardhezi: Tani e kam gati gjithë organikën. Nëse fitojmë, do të jetë një vit i veçantë! Konsum dhe shpërndarje, mundësi dhe rreziqe për tregun e sportit." Claudio Ranieri shikon përreth, analizon dhe reflekton mbi atë se çfarë ka pasur të drejtë ai dhe Juvja e tij, me temën e së cilës është ftuar në një tryezë të rrumbullakët me punonjës të ndryshëm, për të debatuar mbi problemet e tregut të veshjes së tregut sportiv. Pastaj frymëzimi. Flitet për të krijuar skuadër mes drejtuesve, për të formuar grup, realizuar ëndrra dhe që të mos harxhohen kot forcat, si Juventusi, "ndërmarrje" në rikonstruktim, e ndihmuar nga pronarët dhe ëndrrat për t'u realizuar nga ana e tifozëve. Ja mundësitë e rreziqet: humbja në Udine do të kthenet në diskutim, një vend në Champions, në prag të "turit të forcës" që do t'i shohë bardhezinjtë të përkushtuar në 20 ditë kundër Romës, Regginës, Torino e Fiorentina".
"Konsumi dhe shpërndarja" është një tjetër argument që do ta shohë teknikun bardhezi të përkushtuar javët e ardhshme. Përballë atyre që kanë harxhuar energji në fushë, Ranieri duhet të rimendojë për një shpërndarje forcazh në fushë, për përdorimin sa më mirë të lojtarëve në "Friuli", të mbajtur gjatë në stol (Tiago, Sissoko e Iaquinta, mes të tjerëve), një kapital prej 60 milionë eurosh.
PËRMBYSJA - Vështirë se Juvja do të ndryshojë fytyrë kundër Romës, siç e pranon vetë Ranieri. "Tani që e kam gjithë organikën të gatshme dhe që kaloi emergjenca, mund të bëj zgjedhje, pasi nuk kam më nevojë për të kursyer lojtarë, - tha trajneri bardhezi. - Për shembull mund t'i jap mundësi Sissokos të përshtatet pa u sforcuar shumë. Buffoni, edhe pse nuk është ende në formë, na e ka shpëtuar portën. Camoranesi ishte vendimtar dhe janë lojtarë që kohët e fundit më kanë munguar. Trezegeja në krizë? Mori një gjysmëtop dhe e nxori fare jashtë pranë portës: në Udine zëvendësova një lojtar-goli për Iaquintan, sepse kisha nevojë për të lëvizur diçka në sulm. Bravo Vinçenzo!" Pranon se për Romën është folur në dhomat e zhveshjes, por synon objektivin e vendit të dytë, qëllimi i vërtetë i grupit, i vlefshëm për të shmangur paraeliminatoret e Championsit. "Kam biseduar me skuadrën për sfidat që na presin, - vazhdoi Ranieri, - por pa bërë asnjë parashikim. Ne sfidojmë veten tonë për t'u paraqitur gjithnjë mirë. Të pësojmë sa më pak gola dhe të fitojmë gjithnjë e më shumë, por nuk mund ta fshehim që, nëse fitojmë të shtunën, atëherë do të bënim një kthesë, do t'i jepnim një kuptim të veçantë sezonit. Megjithatë, nuk do të jetë e lehtë. Kampionati është i gjatë dhe, nëse Championsi do të jetë shkatërrim për luftën për titull, do ta mësojmë vetëm në fund të sezonit. Për momentin, Roma ka diçka më shumë se ne, pasi Spaleti po e ndërton që prej tri vjetësh, ndërsa ne prej gjashtë muajsh."
SHFRYRJA - Për të tetën herë, lojtarët që vijnë nga stoli e shpëtojnë rezultatin. 18 gola janë shënuar në çerekorëshin e fundit. "Sekreti është shembulli i kampionëve drejt lojtarëve të rinj, - përfundon tekniku i Juves. - Lojtarë, si Del Piero, Trezeguet, Buffon, Camoranesi nuk e kanë përtypur akoma Serinë B. Janë ndjerë të nënvlerësuar, kanë akumuluar energji të madhe, shpirt revanshi, si dhe etje që do të shuhet vetëm kur Juvja të kthehet e të jetë Juve në Champions. Janë ata të fundit që e lënë fushën e stërvitjes."
Fabrizio Ravanelli, ish lojtari i Juventusit tregon qarte se ekipi i tij i meparshem mbetet larg kualitetit te Interit dhe Romes dhe ende nuk jane gati te atakojne ne Scudetto. Bianconerat arriten te shenojne fitore ndaj Udineses me rezultatin 1-2, dhe perkunder asaj qe ne pjesen e pare ishin ne disavantazh ne 1-0. "Ajo ishte fitore qe i pershtatet Juventusit qe prej disa viteve. Fshehtesia ne suksesin e tyre eshte qe asnjehere nuk dorezohen dhe luftojne deri ne fishkellimen e fundit te referit", - thekson Ravanelli per Tuttosport. Juventusi momentalisht gjindet ne poziten e trete te tabeles ne Serie A, dhe ngelin 12 pike pas liderit Inter, i cili gjer me tani nuk ka pesuar asnje humbje. "Ende nuk kane skuader qe te luftojne per titullin kampion, i bindur jam per ate. Te gjithe e dime ate perfshire edhe tifozet, mirepo arriten te mbeten ne ligen e Italise dhe jane ne rruge te drejte per pozicionin e dyte te renditjes tabelare. Ai i cili ka marre pjese ne ndertimin e Juventusit te Ri e din qe do te jete proces i nderlikuar, por prap se prap ngacmim i shkelqyeshem. Inter dhe Roma kane kualitet me te larte ne radhet e tyre". Ravanelli kaloi 4 vite te suksesshme ne radhet e Zonjes se Vjeter, prej 1992-1996 per te cilen kohe arriti te fitoje Scudetto, Champions League, Cup Uefa dhe Coppa Italia.
Gigi Buffon ka nje enderr ...te shenoje nje here para se te vare kepucet ne gozhde. Portieri juventin qe ka shpetuar me dhjetra gola, deshiron qe te pakten nje here te shijoje ndjesine e te shenuarit. "Enderra ime eshte te shenoj gol. Ndoshta kete do t'a bej ne Evrope, sepse ne Itali i respektoj se tepermi koleget e mi. Do te deshiroja qe te shkoja ne sulm gjate ekzekutimit te gjuajtjeve nga kendi dhe te shenoj gol, gje te cilen e beri Amelia vitin e kaluar per Livornon ne ndeshjen e Kupes se Uefas kunder Partizanit", eshte shprehur numri 1 i kombetares se Italise.
Frank Lampard (29 vjec) ne Juventus, eshte nje enderr qe ka shume gjasa te realizohet ne muajin e qershorit. Revistat britanike ne mengjes theksuan nje lajm se Lampard mund te kaloje ne radhet e Juventusit. Klauzola e lojtarit sipas rregullave te Fifas eshte rreth 7 milion euro, pasi qe lojtari i ka kaluar te 28-tat dhe tashme shuma aktuale e tij eshte tejet e volitshme. Ranieri qe ne fillimin e hapave te tij si teknik i ri bardhezi, kishte theksuar se Lamparin e sheh si nje lokomotive ne klubin e tij. Mirepo, Juventusi me shume haperoi besimin tek dy mesfushoret Tiago dhe Almiron, te cilet asesi nuk u gjenden. Almiron u huazua ne janar ne radhet e klubit te principates, Monaco, ndersa Tiago kursesi nuk po mund t'a gjeje rrugedaljen e tij. Per kete shkak zerat britanike po vershelliten rreth nje Lampardi bardhezi. Te shohim se cdo te ndodh ne te ardhmen.
Lojtari 35-vjecar i mbeti besnik Juventusit dhe kur klubi merrte pjese ne Serie B, dhe i ndihmoi skuadres menjehere te kthehet ne elite. Reprezentuesi i Cekise po tregon se ende mund te luaje ne formen e kenaqur, pra ish lojtari i Juves i cili me sukses e mbante fanellen e Zonjes se Vjeter ne sezonin 1996/1997 Alen Boksic, beson se Nedved do te qendroje ne Juventus edhe sezonin e ardhshem. "Nuk duhet shume per t'a bindur Nedvedin te qendroje. Ku do te shkoje? Ne rrethine nuk ka vend me te mire prej Juves." - thote lojtari i meparshem i Marseille dhe Lazio. Mierpo ne disa ditet e fundit jane paraqitur spekulimet qe ai sezonin e ardhshem do te mund te shperngulet ne Japoni dhe t'a vesh fanellen e FC Tokyo. Nedved i cili lajmeroi se do te pershendetet nga fanella e reprezentacionit te Cekise pas mbarimit te Kampionatit Boteror 2006 ne Gjermani, ka gjasa ai te merr pjese edhe ne Euro 2008 qe do te mbahet ne Zvicer dhe Austri.
Lojtari i Empolit, Sebastian Giovinco pranon se e ardhmja e tij eshte te Juventus. Giovinco momentalisht eshte i huazuar ne radhet e Empolit pot per shkak te pjesemarrjes se shkelqyeshme shume eshte e mundur qe ne fundin e sezonit ai te kthehet ne Torino." Shihet qe jam i lumtur qe luaj per Empolin." - thote Giovinco. " Ajo me jep mundesi te zhvillohem si lojtar dhe besoj se prej saj do te kem beneficion dhe do te me plotesohet deshira te kthehem ne Juventus." " Ajo eshte enderra ime dhe e di se secili lojtar e ka te njejtin mendim - dmth te luaje per Juventus."
Presidenti i Juventusit, Giovani Cobolli Gigli, ka bere te qarte dje se braziliani Diego nuk eshte objektivi i vetem i merkatos te bardhezinjeve per sezonin e ardhshem. "Diego? Secco, Blanc dhe Ranieri, po bejne llogarite e tyre, por ju them se ne liste nuk eshte vetem ai, pasi po shohim edhe lojtare te tjere qe mund te afrohen ne qershor. Diego eshte nje kampion, nje lojtar me cilesi te theksuara, por ne po marrim ne konsiderate shume alternativa te ndryshme. Per ne, muajt e ardhshem do te jene shume te rendesishem dhe duhet te japim maksimumin ne cdo sfide. Fatmiresisht, jane rikthyer shume lojtare te cilet kane pasur probleme me demtimet, ndaj Ranieri mund te rreshtoje skuadren me te mire ne fushe. Buffon? Eshte i padiskutueshem, numri 1 ne bote jo vetem si portier. Jam i sigurt qe do te fitojme 10 - 12 - 15 pike nga pritjet e tij. Por e theksoj se skuadra e re do te detajohet vetem pasi te kemi siguruar Ligen e Kampioneve", tha ai.
Rikthehet pas dëmtimit Gigi Buffon është rikthyer dje në Udine, mes dy shtyllave pas dëmtimit, dhe pranon se akoma nuk është në gjendje optimale për paraqitjet e tij dinjitoze: "Le të themi se diçka të mirë arrita ta bëj, por nëse duhet të them të vërtetën, nëse duhet të them se jam 100%, them që jo, nuk është kështu. Meqë e njoh veten mirë, e kuptova se në shumë gjëra të vogla, edhe në shkelmimet e topit, nuk mund të ulesha shumë me shpinë në momentin e goditjes. Nuk është e thjeshtë për një portier që jeton, para së gjithash me aksione dhe situata instikti, të qëndrojë aty gjithnjë për të kontrolluar gjithçka. Por më shkoi mirë". Tifozët e Juventusit mund të gëzohen, pasi portieri nuk do të operohet në shpinë: "Shumë njerëz më këshilluan të mos operohem, edhe pse kur preket kolona vertebrale. Eshtë mirë që hekuri të qëndrojë larg. Mendoj që me pak pushim dhe ndonjë ilaç, gjërat të përmirësohen".
Juventusi ka rrezikuar seriozisht në Udine, por Klaudio Ranieri është shumë i kënaqur nga paraqitja e të tijve të aftë, pasi përmbysën një rezultat që u zhbllokua që në pjesën e parë. "Është një përmbysje që vlen shumë,shpjegoi trajneri i Juventusit,sepse skuadra diti të reagojë, pas një pjese të parë me vuajtje, pastaj zotëruam lojën dhe vuajtëm më pak. Përgëzime Udinezes, një skuadër e ndërtuar shumë mirë, që luan futboll të bukur." Juventusi tregoi gjithë karakterin e tij në ndeshjen e "Friulit" dhe trajneri roman për këtë është i ndërgjegjshëm: "Janë tri pikë që vlejnë dyfish,tha Ranieri.Përgëzime djemve tanë, që nuk u dorëzuan asnjëherë." Dhe pa dyshim, merita më e madhe i shkon Iakuintës, që shënoi golin e fitores vetëm 16 sekonda pas hyrjes së tij në fushë. Trajneri bardhezi largon çdo meritë për gjetjen e duhur të zëvendësimit, Iakuinta për Trezegenë, pikërisht në momentin e duhur: "Është merita e lojtarit. Unë nuk kam probleme, kur i kam të gatshëm të gjithë trajnerët. Problemet i kam atëherë kur nuk janë të gatshëm." Kundër Udinezes është rishfaqur në fushë, pas një periudhe të gjatë, Kamoranezi, i cili luajti që nga minuta e parë, autor i një paraqitjeje të shkëlqyer, por që, sipas Ranierit, nuk ishte nota e vetme pozitive e ndeshjes: "Nuk ndikoi vetëm Mauro, por të gjithë, edhe rikthimi i Bufonit, Zebinasë dhe Kielinit,konfirmoi Ranieri.Ishte e rëndësishme të riktheheshin pas dëmtimeve të gjithë lojtarët e rëndësishëm. Edhe Zebina është një lojtar, tek i cili besoj. Kamoranezin pastaj e njohim të gjithë. E kam pasur shumë pak të gatshëm në fazën e parë, ndaj ishte e rëndësishme ta niste mirë këtë cikël ndeshjesh dhe të jetë në formë." Një fillim i mirë, edhe pse javën që vjen mbërrin Roma në Torino.
Ne kuader te gjiros se 22 te Serie A-se Juventusi fluturoi per ne Friuli te Udines, ku u ndesh me ekipin nikoqir Udinese. Ne fillim te ndeshjes, ne minuten e 6 Dossena hapi rezultatin ne 1-0 ne favor te ekipit nikoqir. Pjesa e pareu mbyll me rezultatin identik 1-0. Ne ndeshjen e dyte Juventusi mori iniciativen, dhe filloi akcione te ashpera ne 16-teshin e kundershtarit. Ne minuten e 60, nga nje krosim nga nje ridhenje nga kendi e harkuar nga Del Piero, Camoranesi me nje goditje me koke e barazon rezultatin ne 1-1 . 15 minuta me vone Vincenzo Iaquinta kalon ne epersi ekipin torinez ne 2-1, rezultat i cili do te ngel deri ne fund te ndeshjes.
Juventusi ka harruar problemet e dy sezoneve te fundit dhe tashme kerkon nje rol protagonisti ne Serine A qe ne edicionin e rikthimit. Projekti pesevjecar per t'a bere perseri te madhe "Zonjen e Vjeter" duket se eshte harruar dhe drejtuesit kerkojne menjehere rezultate nga trajneri Ranieri dhe skuadra. "Vendi i trete i rendesishem, pasi ne jemi Juventusi. Operacionet ne merkato? Do t'i vleresojme ne fundin e kampionatit", ishin fjalet e administratorit Bland ne revisten "Hurra Juventus". Ai ka bere te qarte se obejktivi mbetet pjesemarrja ne Ligen e Kampioneve, qe garanton te ardhura te medha per klubin dhe prestigj nderkombetar. "Vendi i trete nuk shihet si nje deshtim, por gjithcka do te varet nga menyra se si do t'a arrijme kete objektiv", deklaroi ai. Nje gje e tille mund te percaktohet qe ne muajin r ardhshem, ku bardhezinjte do te luajne kunder Udineses, Romes,Reggines, Torinos dhe Fiorentines. Nje fitore ne 5 ndeshjet e fundit ka afruar rrezikshem te gjithe ndjekesit e bardhezinjeve, ndaj Ranierit nuk i lejohen me gabime. Mbi te rendon fakti se ka shprehur gjithmone besim te titulli kampion dhe kualifikimi ne Kupen e Italise. Por, ne te dyja rastet, skuadra ka deshtuar pasi gjendet -12 pike nga Interi dhe me pas u eliminua nga zikalterit dhe nga Kupa e Italise. Per me teper, Juventusi duhet te shohe ecurine e Sissokos dhe te Tiagos, i pari i kerkuar me ngulm nga Ranieri, ndersa i dyti i duhet te kthehet ne formen me te mire sikurse me pare. Nese ne te dyja rastet nuk do te kete rezultatet pritura, atehere Ranieri do te cilesohet si fajtor dhe nje shkarkim i tij nuk do te ishte nje hipoteze e pamundur.
Juventus eshte gjithnje e me prane Diego Ribas da Cunhas. Braziliani i Werder Bremenit qe kerkohej prej disa klubeve evropiane ka preferuar bardhezinjte te cilet i konsideron si skuadren e te ardhmes se tij. Ditet e fundit ishte hapur nje beteje e ashper per Diegon, edhe pse Juventusi ishte gjithnje ne Pole Position per t'a marre. Klubi nga Galileo Ferraris per te evituar ndonje surprize ka udhetuar ne drejtim te Gjermanise me nje oferte prej 30 milion euro qe duhet te mjaftojne per te mbyllur cdo diskutim dhe per te lene thate te gjithe konkurrencen. Per me teper Juventus ka edhe nje avantazh tjeter ne krahasim me skuadrat e tjera. Bardhezinjte nuk kane probleme ligjore, pasi Diego Ribas eshte me origjine lombarde dhe prej 3 vjetesh ka pasaporte italiane. Nje tjeter avantazh qe Juventus ka ne krahasim me skuadrat tjera eshte se nuk duhet te prese Ligen e Kampioneve per te marre brazilianin 22 vjecar. Nderkohe Werder ka gjetur zevendesuesin e Diegos per sezonin e ardhshem. Behet fjale per Mesut Ozil, futbollist i skuadres perfaqesuese gjermane U-21. Ozil u ble nga skuadra e Schalke 04 per nje shifer prej 5.5 milion euro.
Trajnerit bardhezi Claudio Ranierit duket se tashme po fillon t'i buzeqesh fytyra. Nga demtimet e shumta qe perjetonte nga lojtaret kyc te ekipit te Juventusit, tashme lendimet po marrin fund ne deren e Zonjes. Buffon, Zebina, Chiellini,Del Piero dhe Trezeguet jane lojtaret qe tekniku juventin do te mund t'i kete ne dispozicion gjate ndeshjes se gjiros se 22, ku Juventusi do te perballet me Udinesen ne transferte. Zebina dhe Chiellini do te kthehen sigurisht, Camoranesi eshte ne gjendje 100% t'i ndihmoje shoket e tij te ekipit, Buffon, Del Piero dhe Trezeguet jane rekuperuar dhe do te jene titullar ne ndeshjen e radhes - thekson tekniku bardhezi Claudio Ranieri.
Ylli brazilian i Werder Bremenit Diego deklaroi se deshiron te nenshkruaje per Juventusin, dhe beson se transferimi i tij do te realizohet ne veren qe vjen. Bardhezinjte kane ndermend te blejne nje lojtare te klasit boteror dhe njeri nder prioritetet e para eshte qe ne fund te sezonit te blejne yllin brazilian Diego. Lojtari 22 vjecar po luan ne nje form te shkelqyeshme ne kampionatin gjerman dhe eshte golashenuesi me i mire i Werder Bremenit, dhe bashke me Luca Tonin po udheheqin listen e golashenueseve me te mire te Bundesliges. Diego per "La Gazzetta dello Sport" thote se Juventusi ka shprehur nje interesim te madh per ate dhe duan qe t'a kene ne radhet e tyre gjate sezonit te ardhshem. Diego thote se Juventusi eshte njeri nder ekipet me te pelqyera ne Brazil. Ai ka shprehur deshiren e tij qe te luaje perkrah Alex Del Pieros dhe portierit me te mire ne planet Gianluigi Buffon. Drejtuesit e Werder Bremenit nuk duan qe lojtarin me te mire te ekipit t'a shesin me nje cmim me te ulet se 35 milion euro. Juventusi javen e kaluar i kishte ofruar klubit gjerman nje shume te hollash prej 30 milion euro.
Mommo Sissoko flet per drejtuesit juventin sepse nuk kane gabuar qe e kane angazhuar ate. Juventusi ishte i interesuar per dy lojtaret e qendres se mesfushes te Liverpoolit, Javier Mascherano dhe Mohamed Sissoko por vendosen qe t'a sjellin reprezentuesin nga Mali. Sissoko me plotbesim thekson se eshte zgjedhje me e mire prej Mascheranos. " Dua te fitoje trofe. Besoni, une jam me i mire prej Mascheranos" - thote Sissoko per revisten ditore Tuttosport.
Klubi Japonez Tokyo lajmeroi se duan pas mbarimit te kesaj sezone, ceku Pavel Nedved te kaloje ne radhet e tyre. Japonezet i ofruan Nedvedit nje shume te hollash prej 10 milion euro per nje sezone te kaluar ne radhet e kesaj ekipe.
Përveç hipotezave për Diegon dhe Dekon, drejtori sportiv Seko këmbëngul për brazilianin. Vazhdon të punojë "nën rrogoz" në merkato Juventusi, që ëndërron të formojë një skuadër të madhe për sezonin e ardhshëm. Kualifikimi në Champions mund të sigurojë parà të vlefshme për arkat e bardhezinjve, për t'i riinvestuar më pas për blerje me vlerë. Nëse Diego është objektivi kryesor, mbetet për t'u rregullluar mesfusha. Pas zërave për portugezin Deko, rikthehet fuqishëm pista që të çon te Xhilberto Silva. E tashmja është kampionati, përmes së cilës Juventusi kërkon të rikthehet mes skuadrave më të mëdha të Europës për sezonin që vjen. Vendi i tretë aktual duhet mbrojtur; kualifikimi në Champions do të ishte "qershia mbi tortë" për të drejtuar një fushatë merkatoje, në gjendje për të arritur cilësinë në skuadër, me një formacion sasior për një klub që kërkon të kthehet sa më shpejt të fitojë. Dhe atëherë, nëse për shumë "bigë" merkatoja është në vendnumëro, në pritje të mbylljes së sezonit, për bardhezinjtë nuk është asnjëherë koha e mbylljes. Klubi vazhdon të punojë edhe me "drita" të fikura mbi objektivat e sezonit që vjen, duke vlerësuar situata të mundshme. Pas heqjes dorë për Maskeranon, hedhjes së bazave për bisedimet mbi Diegon, e ngrirë për momentin ajo me Van der Vartin, hipoteza për blerjen e Dekos, Alesio Seko mund t'i përshpejtojë gjërat për Xhilberto Silvën.Lojtari i Arsenalit ka mosmarrëveshje tashmë me Arsen Vengerin dhe s'ka ndër mend ta durojë një situatë që sa vjen e bëhet konfrontuese. Mesfushori brazilian bëri të ditur se kërkon të largohet, gjë që nuk është lënë pa u vërejtur nga klubi bardhezi, i cili mund të arrijë ndonjë marrëveshje. Lojtarit i skadon kontrata më 2009-n, por, përmes rregullores së FIFA-s mund të lirohet me një çmim më të ulët. Nëse Xhilberto Silva mbetet objektiv i Juves, Vengeri kërkon tek Arsenali Rafaele Paladinon. Vështirë që klubi bardhezi të vendosë të privohet nga një prej kampionëve të tij, por, përballë një oferte të majme, Alesio Seko mund të mendohet.
Juventus po ndjek me ngulm lojtarin e Touluse, Johan Elmander, dhe shume e vertete eshte se Zonja e Vjeter ne fund te sezonit do te mundohet t'a angazhoje ne radhet e saj. Reprezentuesi suedez eshte prioritet i Ranierit gjate afatin kalimtar veror. Per Elmander te interesuar jane edhe ekipet qe vijne nga Premier League Newcastle, Sunderland dhe ekipi i WBA.
Juventus do t'a vazhdojne luften qe ne radhet e tyre te sjellin lojtarin mesfushor te Arsenalit, Mathieu Flamini. Flamini po luan ne forme te shkelqyeshme dhe eshte njeri nder me te miret ne radhet e Topcinjeve. Kontrata reprezentuesit francez me Arsenalin i skadon ne qershor, dhe Juventus shpresojne se do t'a bindin lojtarin te kalon ne radhet e tyre - shkruan Corriere dello Sport. Flamini theksoi se eshte i lumtur te Arsenal dhe deshiron qe t'a vazhdoje kontraten me klubin londinez per te qendruar edhe me tej ne Emirati.
Juventusi e kishte vendosur prej kohesh: Pavel Nedved duhet te luaje edhe pe nje tjeter sezon me fanellen bardhezi. Paraqitjet me te fundit te cekut kane sherbyer thjeshte per te konfirmuar synimin. Por edhe Nedved mund te kete vendosur per te rinovuar kontraten, megjithate, 35 vjecari preferon te perballet me kete teme vetem ne fund te sezonit. Kushti per te vazhduar "bashkejetesen" eshte Liga e Kampioneve: nese Juventusi do te luaje ne kete aktivitet vitin e ardhshem, rinovimi do te jete i sigurt.
Kapiteni i reprezentacionit te Italise Fabio Cannavaro si dhe bashkekombasi i tij Gianluca Zambrotta kane kritikuar veprimin e Roberto Donadonit per ceshtjen Del Piero. Te dy lojtaret te cilet kane dale ne ndihme te Pinturicchios, kane alarmuar seleksionuesin e pankines italiane Donadonin qe te therret Alex Del Pieron gjate Europianit 2008 qe do te mbahet ne Zvicer dhe Austri. Cannavaro thekson se Alex eshte shtylla kryesore e sulmit Axurrian, dhe se do te ishte nje gabim katastrofal ne qofte se nuk do te jete i kycur per pjesemarrje ne Europian. Nga ana tjeter Zambrotta, ish lojtari i Juve, thekson se Del Piero eshte nje "Legjende" e futbollit italian, dhe se do te ishte krejtsisht e padrejte qe mos te ftohet nga tekniku italian, Donadoni. Ai njeherit thekson se Del Piero do te jete lojtari kryesor ne sulmin e Italise, i cili ka pervoje te madhe dhe din se si te asistoje dhe te shenoje kur eshte topi prane kembeve te tij. Edhe strategu italian, Donadoni tregon se Del Pieros i duhet kohe qe te pushoje ngaqe ne ndeshjet e fundit ai tregoi se forma e tij cdo dite po permiresohet dhe nese vazhdon te luaje keshtu, do te jete lojtari i pare i thirrur nga Donadoni per KE 2008.
Portugezi Deco qe momentalisht mbron ngjyrat e klubit katalanas Barcelona, duket se ka ngulur kembe se do te qendroje ne Katalonia deri ne fundin e kontrates se tij dmth deri ne vitin 2010. Juventusi te henen tregoi interesim per portugezin Deco qe te bejne nje kembim ndermjet dy lojtareve portugez, atyre te Tiagos (Juventus) dhe Deco (Barcelona). Mirepo ky i dyti duket se nuk eshte i interesuar per nje kalim ne radhet e Juventusit, dhe thekson se eshte gati te luftoje ne klubin blaugrana per nje vend titular, ngase kohen e fundit shpesh here eshte alternative e lojtarit nga Bregu i Fildishte, Yaya Toure. Lojtari felenderon drejtuesit e Juventusit per interesimin e tij, por portugezi brazilian duket se ka ngulur mendjen te perqendrohet deri ne skadimin e kontrates se tij qe ka me klubin e Barcelones, dhe me pas te kthehet ne vendlindje per te mbyllur karrieren e tij si futbollist profesional.
Dy lojtaret kyc te bardhezinjeve Gianluigi Buffon dhe David Trezeguet do te jene ne dispozicion te trajnerit Claudio Ranieri te dielen ne ndeshjen e rendesishme ku Juventus do te perballet kunder ekipit te rrezikshem te Udineses. Buffon i cili ndiente nje dhimbje ne shpine, ishte qeshtja kryesore e diteve te fundit ne kampin Vinovo te Torinos dhe mendoheshte qe portieri boteror do te jete larg fushes per rreth 4 muaj, dhe se do te rrezikonte edhe pjesemarrjen e tij ne Kampionatin Europian qe do ta mbahet ne Zvicer dhe Austri. Mirepo Buffon tashme eshte gati 100%, dhe do te jete i kycur ne loje qe nga minuta e pare. E njejta gje po ndodh edhe me goleatorin franko - argjentinas, David Trezeguet. Trezeguet ne stervitjen e se martes kishte marre nje lendim ne kemben e tij, dhe zgjonte zhurme ne ambientin juventin se a do te jete i gatshem per ndeshjen e se dieles kunder Udines, nje ndeshje qe per bardhezinjte nga Torino do te jete mjafte e rendesishme. Mirepo Trezeguet eshte ne gjendje te filloje lojen qe nga minuta e pare e ndeshjes, dhe do te ndihmoje skuadren e tij drejt fitores.
