Andrade do të mungojë në Euro-2008

Futbollisti i kombëtares së Portugalisë, Jorge Manuel Almeida Gomez de Andrade ka operuar gjurin e majtë në spitalin e Lisbonës dhe për këtë shkak do të mungojë në Kampionatin e ardhshëm evropian. Mjekët portugezë nuk kanë thënë saktësisht se sa do të zgjasë shërimi i lëndimit të futbollistit 29-vjeçar të Juventusit, por është më se e sigurt se ai do të mungojë në Euro-2008 që mbahet gjatë kësaj vere në Austri dhe Zvicër. Andrade vitin e kaluar kaloi në Juventus nga Deportivo La Corunha, por në fanellën bardhezi ka luajtur vetëm në pesë ndeshje. Për kombëtaren e Portugalisë ka luajtur në Kampionatin botëror në Japoni dhe Korenë e Jugut si dhe në Kampionatin evropian në Portugali në vitin 2002. Ndërkohë në Kampionatin botëror në Gjermani në vitin 2006 mungojë po ashtu për shkak të lëndimit të gjurit.