Sissoko: Gara për titull e hapur

Mesfushori 'shkatërrues' i Juventusit, Mohammed Sissoko, ka thënë se gara për titull mbetet e hapur ndërmjet shumë skuadrave, pavarësisht se Interi është shkëputur paksa në krye të tabelës. “Aktualisht jemi në një moment të mirë. Gjashtë pikë nuk janë shumë dhe besojmë se do të mund t’i arrijmë”. “Gjendemi ndërmjet vendeve të para të tabelës, mirëpo Kampionati është i gjatë. Filozofia ime personale është që t’i marrim ndeshjet një nga një dhe të shkojmë duke u ngritur”. “Mendoj se skuadrat si Milan, Fiorentina dhe Lazio janë po ashtu në garë për Scudetto dhe ne duhet të vazhdojmë me fitore, duke filluar nga e diela”, ka thënë mesfushori nga Mali.