Iaquinta kërkon Chelsean në Ligën e Kampionëve

Sulmuesi i Juventusit, Vincenzo Iaquinta, ka shprehur dëshirën e tij për të luajtur kundër Chelseat në Ligën e Kampionëve, ndërsa pohon se lufta për Scudetto është e hapur. “Të gjitha skuadrat janë të fuqishme, sidomos në fazat më të vonshme të Ligës së Kampionëve. Sido që të jetë, të jem i sinqertë, unë do të dëshiroja të luaj kundër Chelseat. Ata janë një skuadër e madhe dhe po luajnë shumë mirë këtë sezon”, ka thënë ish-sulmuesi i Udineses për Sky Sport Italia. Ndërsa sa i përket Kampionatit italian, Iaquinta ka thënë se Juve po luan mirë dhe duhet të vazhdojë të krijojë presion te konkurrentët për titull.