Ranieri: Jemi konkurrent edhe në Serie A edhe në Ligën e Kampionëve

Menaxheri i Zonjës së Vjetër, Claudio Ranieri, thotë se skuadra e tij është përmirësuar shumë gjatë vitit që po shkon dhe se ata nuk kanë nevojë për përforcime të reja në afatin kalimtar të janarit. “Gjatë vitit që po shkon ne jemi përmirësuar shumë. Patëm vetëm një moment të vështirë të ciline tejkaluam, por as atëherë nuk ka pasur krizë”. “Shpresoj që Kampionati i sivjetmë të jetë i tillë ku më shumë skuadra do të garojnë për ta fituar Scudetton, ndërsa shpresoj që në pranverë të jemi afër vendit të parë”. “Në fund të janarit edhe Trezeguet do të jetë në dispozicion për të luajtur, prandaj mendoj se jemi konkurrues në të dyja frontet”, ka thënë Ranieri, duke shtuar se edhe Buffon do të jetë në gjendje të luaj në nj të ardhme jo të largët.