Trezeguet: Ibra nuk është i gatshëm për Topin e Artë

Sulmuesi i Juventusit, David Trezeguet, thotë se ish-bashkëlojtari i tij, Zlatan Ibrahimovic, ende nuk është i gatshëm për ta fituar Topin e Artë, porse suedezi do ta fitojë atë në të ardhmen. Ndërsa për sulmuesin francez, sulmuesi tjetër zikaltër Adriano është lojtar shumë më i mirë se Ibra. “Ibrahimovic do ta fitojë Topin e Artë, por jo tani. Sa i përket Adrianos, vërtet shpresoj të kthehet në formën më të mirë, sepse për mua ai është sulmuesi më i fuqishëm me të cilin jam përballur ndonjëherë në Itali”, ka thënë Trezegol duke dhënë mendimin e tij përfundimtar: “Topin e Artë sivjet do ta fitojë Cristiano Ronaldo, sepse e meriton!”.