“Te Juventusi pranoj edhe pankinën”

Sebastian Giovinco është padyshim një ndër talentet e Juventusit. Pavarësisht hapësirës së pakët të pamerituar për një futbollist të kalibrit të tij, Giovinco nuk ka ndërmend të bëjë polemikë mbi një fakt të tillë, pasi ai e dashuron Juventusin dhe për të përfaqësuar këtë fanellë, është i gatshëm të pranojë edhe pankinën, pasi është i bindur se koha e tij do të vijë së shpejti. Aktualisht shihet si zëvendësuesi ideal i Pavel Nedvedit, por ai e ndjen vetëm më shumë si zëvendësi i Del Pieros, kapitenit dhe idhullit të tij, karrierën e të cilit ëndërron ta realizojë duke qëndruar në Torino. “E konsideroj veten një mesfushor të avancuar, në rolin e Del Pieros, por mund ta bëj mjaft mirë edhe detyrën e Nedvedit, por gjithsesi do më mjaftonte të luaja dhe nuk ka rëndësi se ku. Të largohem? Kurrë nuk e kam menduar këtë gjë. Dua të qëndroj këtu dhe do të pranoja edhe pankinën për këtë gjë. Po punoj që në të ardhmen të shndërrohem në kapitenin e Juventusit, ashtu si idhulli im, Alessandro Del Piero”.