Lëndohet Nedved

"Furia çeke", Pavel Nedved, është lënduar para përfundimit të seancës së sotme stërvitore të Zonjës së Vjetër. “Tuttosport” njofton se mesfushori veteran e ka lënduar muskulin, ndërsa ekzaminimet e mëvonshme mjekësore do të tregojë nëse do të jetë i gatshëm të luajë kundër Lecces në fundjavë. Një tjetër moment i keq te skuadra e Juves është mungesa në stërvitje e mesfushorit nga Mali, Momo Sissoko, për të cilin nuk është bërë e njohur arsyeja e mosparaqitjes së tij. Lajmet e mira janë rikthimi i Camoranesit pas lëndimit të shpatullës, ndërsa po ashtu edhe Cristiano Zanetti është duke u përmirësuar shumë shpejt, saqë mund të aktivizohet në ndeshjen e të dielës.