Del Piero: Shpresoj të luaj kundër Chievos

Ikona e Juventusit, Alessandro Del Piero është duke shpresuar që të mund të luajë në ndeshjen e parë të edicionit të ri kundër Chievos. " Ndihem mirë dhe rikuperimi po shkonë mirë. Shpresoj të luaj dhe synojë të fitoj atë ndeshje" - theksoi Del Piero për mediat italiane.

Diego: Kampionatin apo Championsin? Të dyja

Fantazisti brazilian shikon një të ardhme të madhe për Juventusin dhe nuk i vë asnjë limit vetes

Kur kanë mbetur edhe tri ditë nga fillimi i kampionatit, Juventusi shkon drejt sezonit të ri me një siguri më shumë. Eshtë Diego Ribas da Cunha, që ka munguar pothuajse gjatë gjithë fazës përgatitore për shkak të një shqetësimi muskular në këmbë. Në të vetmin aktivizim para Trofeut Berlusconi ka dhuruar lëvizje të magjishme dhe një gol të bukur, por kundër një kundërshtari të lehtë siç ka qenë skuadra e Seongamit. Ka qenë totalisht e një tjetër niveli përballja kundër Milanit, për vazhdimësinë në pozicionin e mesfushorit të avancuar: jo vetëm goli, pasime të sakta dhe finte të shumta, por edhe agresivitet, rekuperime të topave dhe një sens taktik që pak lojtarë me karakteristikat e tij e kanë. Ferrara ka thënë: Diego ka një teknikë të madhe, cilësi si në fazën e zotërimit të topit ashtu edhe në lojën pa top, por edhe fuqi dhe rezistencë fizike. Në një moment ka futur këmbën dhe topi ka mbetur aty. Ka treguar se është agresiv, dhe mbi të gjitha nuk ka qenë as në maksimumin e formës. Më pas arrin të lirohet gjithmonë nga markimet e kundërshtarëve.

MREKULLI PER SYTË - Braziliani këndon, dhe shpejtësia me të cilën kalon nga një regjistër tek tjetri është e njëjtë me atë që ka tek këmbët. Fantazi po, por praktikohet, bën koncert, asnjëherë vetëm për vete. Ferrara është i lumtur, shokët e skuadrës e kërkojnë gjatë gjithë kohës në fushë dhe Cobolli Gigli pasi e ka ndjekur për herë të parë direkt ka filluar të fërkojë sytë. Sepse në fakt ishte që nga koha e Zidane-it dhe e Platinisë që Juventusi nuk kishte në dispozicion një mesfushor të avancuar të pastër, i aftë të ndezë aksionet e skuadrës, duke i dhënë lehtësinë që i ka munguar gjatë viteve të fundit. Tani pres të shikoj Diegon që dialogon me Del Pieron - ka thënë presidenti. Do të jetë një mrekulli në të parë. Është një djalë me personalitet të madh, luan, mbron topin, sulmon, në disa momente është i magjishëm dhe që tani njihet nga ekipi si një lider. Ka qenë një blerje e madhe.

RRUGA E DUHUR - Domethënë ia vlen t’i krijosh kushtet e duhura që ai të shprehet në maksimum. Rekuperimi i tij është shumë i rëndësishëm, sepse kishim nevojë për të provuar këtë modul - ka thënë trajneri bardhezi. Kjo është rruga e duhur. Ndërsa, Cannavaro: Për sistemin tonë të lojës ai është thelbësor. Sistemi është ai 4-3-1-2. Unë me këtë modul loje ndihem mirë - ka siguruar mesfushori bardhezi. Më pëlqen. Është e qartë se duhet të punojmë akoma shumë, por jemi në rrugën e duhur. Gjërat funksionojnë gjithnjë dhe më mirë, e kam vënë re pikërisht në San Siro dhe të shënosh një gol në një stadium kaq të veçantë është një gjë fantastike.

BINDJE - Në gjysmën e pjesës së dytë Ferrara e ka hequr nga loja sepse braziliani nuk mund të luajë akoma për të gjithë 90 minutat. “Por tani që kam zgjidhur problemet fizike besoj se do të jem gati në 100% për fillimin e kampionatit, në maksimumin tim në fillimin e shtatorit, ka premtuar braziliani. Tani që gjërat fillojnë të jenë serioze, Diego ka treguar se është gati dhe se Juvja mund të mbështetet tek ai. Me skuadrën që kemi jam i bindur se mund të synojmë si kampionatin ashtu edhe Champions Ligën, ka thënë braziliani. Ka pasur një mbingarkim. Tani ka mbetur pak dhimbje që duhet eleminuar. Ndihem më mirë, shpresoj të rekuperoj - ka thënë Del Piero.

Kthehen Chiellini e Camoranesi, mungon Melo

Kur na ndajnë vetëm tri ditë nga ndeshja e së dielës në “Olimpicon” e Torinos mes Juventusit dhe Chievos, nga infermieria bardhezi vijnë lajme të shkëlqyera. Ditën e djeshme, në stërvitje janë bashkuar mbrojtësi Chiellini dhe mesfushori Camoranesi, të cilët duket se janë të gatshëm për sfidën kundër formacionit veronez. Ndërkohë, në mënyrë të diferencuar janë stërvitur Del Piero, Zebina dhe Tiago, por që nuk ka asnjë dyshim mbi grumbullimin e tri emrave të përmendur për ndeshjen e parë të sezonit të ri të Serisë A. Ndërkohë, mungesat e sigurta ndaj Chievos do të jenë të dëmtuarit Sissoko e Giovinco si dhe Felipe Melo, i skualifikuar.

Deklaratat e Marcello Lippit lidhur me skuadrën favorite për fitoren e kampionatit italian këtë sezon kanë lënë hapësirë për shumë polemika. Por ka edhe nga ata që janë dakord me mendimin e trajnerit të Kombëtares italiane. Mesa duket, merkatoja e mirë e zhvilluar nga skuadra e Juventusit ka rritur besimin e tifozerisë bardhezi dhe të sportdashësve, ku përfshihen edhe emra të njohur të ekranit italian:

ANTONIO CABRINI - “Juventusi ka diçka më shumë se vitin e kaluar, është e sigurt që do të jetë favorit. Interi është ekipi kampion në fuqi, për pasojë është i pari që duhet mundur”.

LUCA MARCCHEGIANNI - “Mendoj se bardhezinjtë mund ta fitojnë kampionatin. Më pëlqeu shumë Diego, është një lojtar që synon portën dhe që bashkëpunon më së miri me shokët e skuadrës”.

DOMENICO MAROCINO - “Del Piero është ende lojtari më vendimtar i bardhezinjve. Mendoj se duhet t’i jap të drejtë trajnerit”.

MASSIMO MAURO - “E rëndësishme është që Juventusi të përpiqet deri në fund. Unë kam shumë besim. Megjithatë duhet të qëndrojmë me këmbë në tokë, pasi nuk duhet ta vëmë nën presion të madh Ferrarën dhe skuadrën”.

FABRIZIO RAVANELLI - “Juventusi është skuadra që duhet mundur për fitoren e titullit. Është trajneri që më ka dhënë të drejtë mua, pasi unë ia kam thënë i pari këtë gjë atij...”.

MAURIZIO ZAMPARINI - “Është e vërtetë, titullin do ta fitojë Juventusi, pikërisht siç e ka parashikuar Lipi. Ndërsa Palermoja ime do të renditet në vend të katërt, pas Interit dhe Milanit”.

MARIO BERETTA - “Mendoj se Juventusi do të jetë në garë deri në fund, por unë ende mendoj se skuadra e Jose Mourinhos është në avantazh”.

GIANCARLO CAMOLESE - “Sipas meje titullin do ta fitojë Interi, por distancat janë shkurtuar shumë. Zikaltrit dhe bardhezinjtë janë më lart se të tjerët. Por unë mendoj se duhet të kenë kujdes edhe nga Milani”.

FRANCO COLOMBA - “A ka të drejtë Lippi? Diego më ka bërë shumë përshtypje, ka treguar se është një fantazist i shkëlqyer. Dhe pa Ibrahimovicin mendoj se Interi do ta ketë më të vështirë. Po, Juventusi mund ta fitojë kampionatin”.

ANTONELO CUCUREDU - “Juventusi ka gjithçka i duhet për t’ia rrëmbyer titullin Interit. Bardhezinjtë janë forcuar shumë dhe besoj se do të jetë një kampionat shumë i bukur”.

HECTOR CUPER - “Juve ka realizuar një merkato shumë të mirë, nuk i mungon asgjë për të fituar. Mendoj se Lippi ka të drejtë”.

DELIO ROSSI - “Interi mbetet ende më e forta, por bardhezinjtë janë shumë afër tyre”.

DINO ZOFF - “Natyrisht që mund të përballet me Interin. Juve është një skuadër më e fortë se vitin e kaluar, por unë preferoj të qëndroj me këmbë në tokë: nëse Lippi ka të drejtë, do ta marrim vesh vetëm në qershor”.

PAOLO BELI - “Nëse Diego do të luajë si në ndeshjen kundër Milanit, nëse Sissoko kthehet dhe nëse Melo do të jetë i qetë, Juventusi do të jetë një skuadër e jashtëzakonshme. Ferrara do t’i japë të drejtë trajnerit të Kombëtares”.

MIKE BUONGIORNO - “Kam besim te Lippi, e kam mik dhe uroj që të ketë të drejtë. Zakonisht ai nuk është nga ata njerëz që flasin pa u menduar, duke bërë parashikime të pabazuara, prandaj mendoj se përpara se të shprehej në atë mënyrë, do ta studionte më së miri situatën”.

FEDERICA PELLEGRINI - “Nëse e ka thënë trajneri i Kombëtares, duhet ta besojmë. Shoqëria e ka forcuar shumë skuadrën, për pasojë kanë të gjitha mundësitë për të fituar titullin”.

LAMBERTO SPOSSINI - “Juventusi është shumë më kompetitive: me Diegon dhe Melon, Lippi ka vërtet të drejtë. Megjithatë, preferoj të mos nxitohem: Interi është ende një skuadër e fortë”.

MARCO TRAVAGLIO - “Unë do të shpresoja të dëgjoja Berlusconin që të thoshte se titullin këtë sezon do ta fitojë Milani. Por duhet të pranoj se Juventusi është shumë më e fortë se vitin e kaluar”.

MARCELLO BONETTO - “Është një skuadër që është përmirësuar shumë dhe unë kam përshtypjen që është meritë e Ferrarës. Natyrisht që Lippi merr vesh nga këto gjëra, prandaj mendoj se duhet t’u besojmë fjalëve të tij. Interi është shumë e fortë, por me largimin e Ibrahimovicit, distancat janë shkurtuar shumë”.

OSCAR DAMIANI - “Pa dyshim që është një nga favoritet kryesore, por mendoj se Interi është ende përpara, edhe pse me një distancë shumë të shkurtër. Madje, unë mendoj se nuk duhet të nënvlerësojmë as Romën”.

FABIO PARISI - “Bardhezinjtë, pavarësisht investimeve të shumta që kanë bërë, kanë avantazhin e të mos pasurit asgjë për të humbur. Të paktën në krahasim me Interin”.

CLAUDIO PASQUALIN -“Edhe unë, nëse do të më duhej të zgjidhja, do të thosha se e shikoj Juventusin si skuadrën kryesore që mund të fitojë titullin.

Del Piero: Juventus, tani duhet të fitosh

Kapiteni i bardhezinjve shpreson në një finale fantastike për sezonin e ri dhe thumbon Mourinjon

Ka ardhur momenti të fitojmë. Alesandro del Piero ka besim te skuadra e tij. Kur kanë mbetur edhe dy ditë nga fillimi i kampionatit, ai ka theksuar edhe një herë ambiciet e Juventusit: Kemi entuziazëm, kemi dëshirë për të fituar, - ka thënë kapiteni bardhezi. - Duam një aventurë me një finale fantastike. Ambiciet tona janë të natyrshme, duam ta fillojmë mirë këtë sezon. Kur kam kaluar në Serinë B kam menduar për momentin, kur do të kthehesha të fitoja me Juventusin? Po mendoj për këtë gjë prej tre vitesh, nuk do të doja të mendohesha edhe për shumë. Amtosfera është ajo e duhura. Juvja ka dalë më e fortë nga merkato. Për shumë njerëz është i vetmi ekip që do të mund të pengojë Interin. Interi nuk ka humbur asgjë, përsa i përket cilësisë dhe alternativave që ka në ekip. Nuk e di se diferenca midis dy skuadrave është ngushtuar, përgjigjja do të vijë vetëm nga fusha, - ka shpjeguar Del Piero, që nuk ka dashur të bëjë premtime. Secili nga ne do të fitojë. Nuk duhet të bëjmë premtime të veçanta, duhet vetëm të punojmë dhe të punojmë ditë për ditë, është rruga më e drejtë për t u ndjekur në një sezon që parashikohet të jetë i gjatë dhe i mbushur me ndeshje, pohon Ale, duke mos bëëë premtime.

POLEMIKA - Një sezon që ka nisur me një polemikë midis Mourinhos dhe Lippit. Edhe Del Piero, ashtu siç kanë bërë dhe Totti me Spallettin para tij, është rreshtuar në krah të trajnerit italian, duke pohuar: Kur Lippi, vitin e kaluar, ka thënë se kampionatin do ta fitonte Interi, unë nuk jam ofenduar. Nuk kam parë asgjë të bujshme në këtë. Madje, shpresoj të mos gabohet edhe për këtë vit. Në lidhje me Mourinhon numri dhjetë i Juves ka thënë: Është shumë i aftë të ngarkojë me përgjegjësi të tjerët dhe t'i heqë këto nga Interi. Edhe kjo është një taktikë. E rëndësishme është të mos tërhiqesh në situata të tilla. E respektoj si trajner i Interit, por nuk më bën asnjë përshtypje.

NË DYSHIM PËR TË PARËN - Takimi i parë në sezonin e ri ka vënë përballë Juventusit një skuadër që në letër duket e lehtë, Chievon. Por Del Piero nuk ka besim dhe nuk kërkon justifikime, pavarësisht mungesave të shumta në mesfushë: Chievo është një skuadër shumë e mirë dhe vitin e kaluar, këtu në Torino, na ka shkaktuar shumë dhimbje. Vështirësitë janë bërë për tu kaluar, nuk duhet të mendojmë për gabimet e bëra. Skuadra jonë ka gjithçka i nevojitet për t'i bërë ballë situatave të tilla. Nuk e di nëse i mungon akoma diçka Juves, përgjigjen për këtë do ta japë fusha. Problemet në kurriz, që nuk e kanë lënë të luajë në Trofeun Berlusconi, janë pothuajse të kaluara: Kam pasur një mbingarkim. Tani ka mbetur pak dhimbje që duhet eleminuar. Ndihem më mirë, shpresoj të rekuperoj - ka thënë Del Piero.

Totti kundër Interit: Juvja, favorite!

Kapiteni i Romës ka mbështetur trajnerin e Italisë, Marcello Lippi: Ishte vetëm një parashikim

Francesco Totti mbështet Marcello Lippin dhe në lidhje me diskutimin në distancë me Jose Mourinhon ka preferuar të qetësojë situatën: Kampionati i fituar nga Juventusi? Lippi ka bërë një batutë, një parashikim, ka pohuar kapiteni i Romës pak para se të nisej drejt Sllovakisë ku skuadra e Spallettit do të përballet me ekipin e Kosices në turin e fundit paraeliminator të Ligës së Europës. Nëse do të jetë e vërtetë apo jo kjo do të shihet në fund- ka shtuar ai. Gjithsesi Juvja është një nga favoritet për titullin kampion. Sipas Tottit takimi i Ligës së Europës kundër sllovakëve të Kosices në letër duket një ndeshje e lehtë, por duhet të jemi të përqendruar dhe ta sigurojmë sa më shpejt të jetë e mundur kualifikimin, para ndeshjes së kthimit. Atyre që e pyesin për stimujt e nevojshëm për të bërë një figurë të mirë në kompeticionin europian, kapiteni verdhekuq u ka shpjeguar se këto janë dhe do të jenë gjithmonë, sepse të arrish rezultate pozitive me Romën është një gjë normale. Duke folur për synimet e skuadrës verdhekuqe në kampionat, Totti, i cili i është shmangur pyetjeve në lidhje me një rikthim të tijin tek kombëtarja e Italisë (mendoj vetëm për ndeshjen e së enjtes dhe kaq), teksa u është përgjigjur në këtë mënyrë pyetjeve nëse lojtarët e Spallettit do të mund të synojnë një vend midis katër të parëve: Do të presim nisjen e kampionatit dhe më pas do të shohim. Të bësh parashikime në fillim është gjithnjë më e lehtë, por kemi një vit përpara dhe do ta vlerësojmë situatën nga dita në ditë. Nëse merkato do të vijë në ndihmë të Romës? Nuk e di këtë, shpresoj se po, ka përfunduar kapiteni verdhekuq.

Gladiatori Melo: Jam shumë i lodhur

Mesfushori brazilian nuk ka bindur në paraqitjet e fundit. Ndaj Chievos është i pezulluar dhe do të pushojë

Janë 35, ditët e brazilianit tjetër. Quhet Felipe Melo. Është ai që ka kushtuar pak më shumë, ka luajtur më shumë dhe nuk ka befasuar aq sa duhet. Të hënën në mbrëmje ishte i zemëruar. Më shumë se zakonisht. Kundër Milanit paraqitja e tij nuk është pëlqyer. Nuk i ka pëlqyer as vetë atij. E kushtëzuar nga një top i humbur në mesfushë, që i ka hapur rrugën dhe golit të barazimit 1-1 të shënuar nga Pato. Për këtë arsye Felipe Melo nuk ka qenë i kënaqur. Është larguar menjëherë, duke bërë vetëm këtë koment: Në aktivizimet e fundit jam ndier shumë i lodhur për ndeshjet e shumta që kam zhvilluar gjithashtu edhe për udhëtimet e shumta. Që nga përfundimi i Kupës së Konfederatave kam patur pak kohë për të pushuar. Për ndeshjen në Romë gjendja ime do të jetë më e mirë. Gjithsesi besoj se skuadra ka bërë një paraqitje shumë të mirë në këtë fazë përgatitore, kemi punuar shumë dhe mirë. Mund të përmirësohemi akoma shumë, ka thënë Melo. Braziliani tjetër të dielën në mbrëmje do të mungojë. Kundër Chievos ai do të jetë i skualifikuar, kujtimi i fundit nga eksperienca me Fiorentinën. I ashpër, por jo budalla. Me rregullat e kampionatit spanjoll është përshtatur menjëherë, asnjë karton i kuq në sezonin e fundit, me Almerian. Ku ka koleksionuar 12 kartona të verdhë në 30 ndeshje. Nuk është një ëngjëll, edhe për këtë arsye ka kushtuar 25 milionë euro. Një investim që duhet të shfrytëzohet menjëherë. Nuk është një jetë shumë e lehtë ajo e mesfushorit, gjithmonë në fushë, edhe gjatë verës: 28 korrik, debutimi me bardhezinjtë dhe 45 minuta kundër Seongamit; 31 korrik, Reali i Madridit 73; 2 gusht Aston Villa 120; 7 gusht, 71 kundër Villarealit; 14 gusht Trofeu Tim 90, 45 kundër Milanit, 45 kundër Interit; 17 gushti, Trofeu Berlusconi, 90. Pa harruar këtu miqësoren e 12 gushtit Estoni-Brazil, 90 minuta të plota. Në paraqitjet e fundit me Juventusin mesfushori nuk ka bindur. Me Brazilin ka qenë më i miri në fushë. Tek verdhejeshilët luan me një mesfushor tjetër në krah. Kjo është e vërtetë, ashtu siç është e vërtetë se Ferrara nuk e përjashton këtë mundësi. Në 6 miqësoret e bardhezinjve, Melo ka patur në krah 8 mesfushorë të ndryshëm. Kështu nuk është e lehtë të përshtatesh.

Buffon: Kundër Chievos, finalja jonë e parë..

Përgatitjet parasezonale kanë qenë mëse pozitive. Tani Juventusi është gati ta nisë sezonin e ardhshëm me entuziazmin e duhur. Për këtë gjë është i bindur Gianluigi Buffon, i cili përshtypjet e tij mbi kampionatin e ardhshëm i përshkruan në webs faqen personale. “Gjatë fazës përgatitore kemi mbledhur sinjale shumë të rëndësishme dhe pozitive. Skuadra është përmirësuar ndjeshëm kundrejt vitit të ardhshëm dhe ky fakt nuk mund të bëjë gjë tjetër, veçse të rritë entuziazmin dhe vetëbesimin tonë për të kërkuar fitoret e mëdha. Rezultatet e mira dhe stafi i ri teknik kanë sjellë një klimë pozitive në skuadër, ndaj mendoj se tani është koha për të filluar të mendojmë seriozisht”. Interi mbetet skuadra për t’u mundur dhe portieri i Juventusit nuk e fsheh këtë fakt, por pavarësisht të gjithave, Bufon është gati për sfidën me kampionët e Italisë. “Gjatë Trofeut ‘Tim’ të disa ditëve më parë kam mundur ta shoh nga afër në aksion Interin dhe realisht m’u dukën shumë të fortë, duke konfirmuar kështu bindjet e mia mbi grupin e Jose Mourinhos. Edhe një herë, zikaltrit mbeten skuadra për tu mundur, por ky fakt nuk duhet të na demoralizojë përkundrazi, duhet të na motivojë për t’u përmirësuar edhe më shumë me kalimin e ndeshjeve - vazhdon Gianluigi Buffon. Për të synuar titullin kampion nuk duhet të bëjmë hapa të gabuar dhe duhet të luajmë gjithmonë me të njëjtin përqendrim, duke filluar që nga ndeshja e parë e sezonit me Chievon. Ndaj tyre duhet të zbresim në fushë me bindjen se jemi të fortë dhe të mbyllim sa më parë takimin. Gjithsesi, ajo ndaj veronezëve do të jetë vetëm një nga 38 finalet që na presin deri në fund të kampionatit italian. Të mos harrojmë se Chievo do të vijë shumë e motivuar në Torino, edhe si rrjedhojë e barazimit të marrë sezonin e kaluar, pikë e cila i dhuroi matematikisht qëndrimin në Serinë A rivalëve tanë. Duhet të tregohemi të kujdesshëm në mënyrë të veçantë ndaj Sergio Pellissierit, i cili në Torino në kampionatin e kaluar më shënoi tri herë” - deklaron numri 1 i Juventusit, Gianluigi Buffon.

Del Piero në dyshim për Chievon

Del Piero po apo Del Piero jo? Mungojnë pak ditë nga fillimi i kampionatit, por Cobolli Gigli nuk e di akoma nëse të dielën në mbrëmje kundër Chievos do të mund të kënaqë sytë, duke parë në aksion Diegon dhe kapitenin e Juventusit. Edhe Ferrara duket se nuk di më shumë. Del Piero edhe ditën e martë ka punuar në palestër, bashkë me fizioterapistin Esposito. Javën e kaluar ka marrë një goditje në kurriz, që nuk e ka lejuar të zbresë në fushë me rastin e Trofeut Tim dhe në atë Berlusconi, edhe pse kundër Milanit është grumbulluar rregullisht me skuadrën. Domethënë nuk kemi të bëjmë me një gjë serioze. Më shumë shqetësimi ka të bëjë me pasojat e kësaj goditjeje, duke parë se disa herë dhembja e kurrizit krijon probleme të tjera që mund të shkaktojnë dëmtime muskulare. Gjithsesi, zërat e fundit që vijnë nga ambienti bardhezi flasin për një Del Piero që do të rekuperohet shumë shpejt dhe ai vetë pret me padurim: Dua të fitoj kampionatin dhe të shkoj në Botëror - ka thënë kapiteni bardhezi. Me Ferrarën është e mundur. Por, për tu siguruar për rekuperimin e tij, do të duhet të pritet testi i fushës.

Lyoni këshillon Juventusin

Drejtori sportiv i Olimpique Lyonit i ka dërguar një mesazh të qartë Juventusit, në lidhje me Fabio Grosson. " Ne e dimë se Juve është e interesuar për të por ka dy muaj që ne nuk kemi marë ndonjë ofertë. Nëse Juventus e dëshiron Grosson, atëherë duhet të më kontaktojnë" theksoi Marino Facciollo.

Cannavaro: Juve dhe Inter favorit

Sipas Fabio Cannavaros, lufta për titull në Serie A, do të zhvillohet vetëm ndërmjet Interit dhe Juventusit. " Mendoj se ne dhe Interi jemi kryesorët për ta fituar kampionatin në edicionin e ri. Milani ka ngecur mbrapa me transferime duke mos e mbuluar largimin e Kaka, kështu që nuk mendoj se do të jenë të rrezikshëm" - theksoi Cannavaro.

Clerc në pritje të Juventusit

Mbrojtësi i francez i radhëve Lyonit, Francois Clerc, është shumë i interesuar që të luaj me skuadrën e Juventusit. "Unë nuk kam marë asnjë ofertë, por në rast se do të vinte, mendoj se të refuzosh një skuadër siç është Juventusi është e pamundur. Serie A është një ligë e madhe me futbollistë të mëdhenjë dhe unë dua të luaj atje" - deklaroi Clerc.

Diego i etur për trofe

Mesfushori brazilian i Juventusit, Diego është optimist se skuadra e tij do të jetë e suksesshme në edicionin e ri të Serie A. "Përveç Scudettos unë mendoj se ne mund ta fitojmë edhe Ligën e Kampionëve. Në këto miqësore kemi treguar se jemi një skuadër e fortë por do të jemi edhe më të fortë në zhvillimin e kampionatit" - deklaroi Braziliani Diego.

Ferrara: Juve duhet të punojë më shumë..

Menaxheri i Juventusit, Ciro Ferrara nuk ishte shumë i kënaqur me performancën e Juventusit kundër ekipit të Rossonerëve të cilët luftuan për “Trofeun Berlusconi”. Ai shpreson se ekipi i tij do të dëshmohet në repartin e sulmit dhe paralajmëron se do të punojë më shumë në këtë aspekt. “Në pozicionimin e topit lojtarët ishin shumë afër njëri-tjetrit. Neve na duhet kohë për të punuar me Diegon”. “Ne gjithmonë kemi luftuar me Milanin dhe këtë ndeshje nuk doja ta fitoja me fat por me punë” - u shpreh Ciro Ferrara”.

Clerc: ”Juves nuk i thuhet jo”

Në një intervistë të dhënë per Tuttosport, mbrojtësi i Lionit, Clerc shprehet rreth mundësisë së kalimit tek Juvja. Ai ka deklaruar se Juves nuk mund t’i thuash jo. Gjithashtu pohon se akoma nuk ka ardhur një ofertë konkrete nga ekipi torinez. Clerc është një nga alternativat e mundshme per krahun e djathtë të mbrojtjes juventine. Ndërkohë fuqizohet shume edhe hipoteza Rafinha pas acarimeve të marredhënieve të tij me teknikun Magath.

Cannavaro: Diego, vendimtar për Juven

Pas paraqitjes së shkëlqyer në trofeun “BerlusConi”, mbrojtësi ekzalton brazilianin

Trofeu Luigi Berlusconi konfirmoi realisht vlerat e një lojtari të shkëlqyer si Diego Ribas da Cunha. Edhe pse vinte nga disa probleme fizike, braziliani jo vetëm që u paraqit mirë, por shënoi dhe golin e parë ndaj Milanit. Një paraqitje që i ka gëzuar pa masë juventinët, para të gjithëve Fabio Cannavaron: Diego është vendimtar për modulin tonë, - tha mbrojtësi bardhezi. Tani duhet të riaftësojmë ndonjë lojtar të dëmtuar për ndeshjen e së dielës, Del Pieron e Camoranesin, sepse na pret një kampionat i vështirë. Lippi ka thënë që do ta fitojmë ne titullin? Shpresojmë, sepse klubi ka investuar shumë dhe pas tri vjetësh kërkon të kthehet të fitojë dhe të festojë së bashku me tifozët e tij. Në kampionatin, që nis këtë të shtunë me dy ndeshjet e para, Cannavaro do të ritakojë gjatë sezonit edhe Napolin e tij: Nëse do t i shënoja, nuk do të festoj, është qyteti im, jam shumë i lidhur, kam një afeksion të jashtëzakonshëm. Me presidentin De Laurentis nuk kam biseduar asnjëherë, nuk ka qenë asnjëherë pranë blerjes sime. Shpresoj që skuadra të luajë një sezon më të qetë. Më pas vjen kapitulli i kombëtares: Nuk ndërhyj në vendimet e trajnerit axurr mbi grumbullimin e mundshëm të Tottit, Casanos e Del Pieros - shtoi Cannavaro. Lipi ua ka lënë dyert hapur të gjithëve, sepse të gjithë e duan këtë fanellë. Ne duam të mbrojmë titullin. Përqindje nuk jap dot, s'jam i zoti t'i bëj, por në shtator kemi ndeshje të rëndësishme që mund të na japin biletën për në Afrikën e Jugut. Mbi fjalët e Berlusconit sa u takon rrogave të larta të lojtarëve, Cannavaron vijon: Unë shembullin e dhashë… Reduktimet nuk duhen bërë vetëm në shpenzimet e futbollistëve, por në shumë gjëra në jetë. Kriza botërore e këtyre viteve nuk ka ardhur vetëm nga rrogat e lojtarëve, por diçka duhet bërë.

Në shtator do të jem në formë

Nota më pozitive e Juventusit në trofeun Berlusconi? Pa hije dyshimi Diego. Braziliani, ish-lojtar i Santosit dhe Werder Bremenit, që erdhi te Juvja për 25 milionë euro, duke parë gjithçka që ka bërë në këtë pragkampionat, ia ka vlejtur që është blerë. I vendosur pas dy sulmuesve, fantazisti bardhezi, jo vetëm që zhbllokoi rezultatin në San Siro, por edhe tregoi klas e cilësi në fushë, me vertikalizime të bukura. Vetë Diego nuk e fsheh kënaqësinë, por pranon që nuk është akoma në formë: Jam i lumtur që luajta mirë në një stadium si San Siro, - tha braziliani. Vij nga një muaj shumë i vështirë, ku kam punuar shumë, kemi bërë një përgatitje të madhe dhe në shtator do të jem në maksimum të formës. Diego ka komentuar edhe fjalët e LiPpit, që e sheh Juven favorite për titullin: Juvja është gjithnjë mes favoriteve, por nuk është e vetmja.

Diego, gol dhe tifozët fillojnë të ëndërrojnë

Diego rikthehet nga dëmtimi, zbret në tapetin e “San Siros” në mënyrë të papritur, shënon kundër Milanit dhe tifozët e Juventusit tashmë kanë filluar të ëndërrojnë. Ciro Ferrara e grumbulloi brazilianin në minutat e fundit, por askush nuk priste ta shihte në fushën e lojës, mbi të gjitha që nga minuta e parë. Por Diego nuk ka zhgënjyer askënd dhe tashmë duket se është gati për fillimin e kampionatit. “Jam shumë i lumtur që arrita të luaj pas një periudhe disi të gjatë dëmtimi dhe madje, të shënoja në një stadium të rëndësishëm si ai i Milanit - komenton ish-fantazisti i Werder Bremenit. Pranoj se nuk jam ende në 100 për qind të formës sime, por besoj se duke u stërvitur intensivisht gjatë këtyre ditëve të mbetura, duhet të jem gati për ndeshjen e parë të Serisë A kundër Chievos. Objektivat? Juventusi gjithmonë duhet të zbresë në fushë për të fituar, kurrë vetëm për të marrë pjesë. Jemi një skuadër e madhe, ndonëse kemi ende për t’u përmirësuar. Objektivi ynë është të fitojmë diçka të rëndësishme në sezonin e ardhshëm dhe shpresojmë që të arrijmë synimin tonë, - shprehet braziliani i bardhezinjve, Diego, i cili mbyll deklaratën e tij me një mendim për Ronaldinhon. Mbetet gjithmonë një lojtar special. Si mik dhe si brazilian shpresoj që ai të vazhdojë të luajë gjithmonë e më mirë”.

Alex Del Piero: Dua titullin dhe Botërorin

Ndonëse në ditët e fundit ka hasur disa probleme të vogla në kavilje dhe në shpinë, Alessandro Del Piero i ka shumë të qarta idetë për sezonin e ardhshëm, kryerjen e një sezoni përrallor me Juventusin dhe përjetimin si protagonist të Botërorit 2010 në Afrikën e Jugut. “Entuziazmi dhe pasioni janë pjesë e çdo pune, por më shumë se kudo tjetër, këto cilësi vlerësohen në profesionin tonë. Unë linda me ëndrrën për t’u bërë futbollist dhe tani e kam realizuar atë. Por Kombëtarja është maksimumi për cilindo prej nesh”, - thekson kapiteni bardhezi. Titulli dhe Kombëtarja – Në prag në fillimit të sezonit të ri, Del Piero bën të qartë se motivimet nuk i mungojnë. “Fitorja e kampionatit italian dhe Kombëtarja janë dy objektiva që ecin paralel me njëri-tjetrin, pavarësisht zgjedhjeve që në fund do të bëjë trajneri Marcello Lippi. Grumbullimi me Italinë varet nga sezoni i mirë që mund të kryej me Juventusin, përqendrimi im duhet të jetë maksimal, sepse kemi një skuadër të madhe dhe duam të rikthehemi te fitorja”, - vazhdon Alessandro Del Piero.

OBJEKTIVI – Nëse “Zonja e Vjetër” është e pajisur mirë për të fituar kampionatin e ardhshëm të Serisë A, “Pinturicchio” këtë gjë ia lë fushës së lojës ta vërtetojë. “Sigurisht që nuk kam në dorë një sferë magjike që të shoh realizimin e objektivit tim dhe të skuadrës. Duhet të bazohemi te realiteti, te dëshira jonë për të fituar, te përforcimet e kryera, që mendoj se e kanë bërë edhe më të fortë Juventusin sivjet. Kemi bërë hapa të rëndësishëm përpara dhe kjo duhet pranuar. Premisat për të fituar diçka të rëndësishme në sezonin e ardhshëm janë shumë të mira, tani na mbetet ne të kuptojmë, nëse mund të fitojmë një ndeshje apo një kampionat, në të cilin do të kemi përballë kundërshtarë të rëndësishëm”.

POZITIVI FERRARA – Me trajnerin aktual të Juventusit, padyshim që Alessandro Del Piero ka një marrëdhënie shumë të veçantë. Pas shumë vitesh si shok skuadre, tani Ciro Ferrara është trajneri i numrit 10 bardhezi. “Ferrarën trajner të Juventusit, sigurisht që edhe mund ta prisja. Në vitet e fundit, ai ka punuar me objektiva të qarta në kokën e tij, një person kërkues dhe i sigurt në vetvete. Nëse edhe pas aventurës në fushën e lojës arrin ta ruash profesionalizmin tënd, respekti ndaj personit dhe përgjegjësia që ka në brendësi grupi është një avantazh që trajneri i Juventusit të jetë një ish-shoku ynë i skuadrës. Ciro është ende i ri dhe arrin t’i kuptojë mëse miri kërkesat e futbollistëve. Ai duhet të përfitojë nga ky fakt dhe gjithmonë duhet të jetë shumë i qartë me ne, por duhet pranuar se mbërritja e tij në stolin juventin i ka dhënë një impakt pozitiv grupit të futbollistëve”, - përfundon kapiteni Alesandro Del Piero.

Claudio Marchisio nuk e sheh Championsin si një utopi..

Faza përgatitore ka përfunduar, ndërkohë që nga fundjava e ardhshme gjërat fillojnë të bëhen serioze. Claudio Marchisio ka qenë një ndër protagonistët e kësaj vere, qoftë me Juventusin, qoftë me Kombëtaren italiane, pas debutimit të tij me kampionët e botës në fuqi në miqësoren kundër Zvicrës. “Mendoj se kemi zhvilluar një fazë të kënaqshme përgatitore - thotë juventini Marchisio. Kemi bërë ndeshje vërtetë të mira, përjashtuar këtu atë me Villarealin. Pavarësisht këtyre, mendoj se tashmë jemi gati për fillimin e sezonit të ardhshëm. Objektivat? Objektivi im personal lidhet me Juventusin. Skuadra duhet të vazhdojë të luajmë me ritme të mira. Ishte edhe falë shokëve të mi nëse unë arrita të grumbullohesha e të debutoja në përfaqësuese. Për këtë arsye, nëse vazhdoj të jem protagonist me Juventusin në sezonin e ardhshëm, atëherë mund të vazhdoj të ëndërroj titullin kampion, kombëtaren, por mbi të gjitha Ligën e Kampioneve, një trofe që më duket më i lehtë për t’u fituar sesa Seria A”.

Cannavaro i magjepsur nga Diego: Blerje fantastike!

Fabio Cannavaro shprehet shumë i magjepsur nga blerja e Juventusit dhe sheh me optimizëm drejt së ardhmes. “Diego tregoi se është një lojtar mjaft i rëndësishëm për skemat tona. Kundër Milanit zhvilluam një ndeshje mjaft të mirë dhe sigurisht që nuk do të jetë e fundit edhe në pritje të sezonit të ardhshëm. Klubi sivjet ka investuar shumë miliona në merkato në blerjen e Diegos, një goditje fantastike, ashtu sikurse ajo e Felipe Melos. Tani na takon ne që pas tre vjetësh t’u dhurojmë tifozëve një arsye të mirë për të festuar në përfundim të kampionatit të ardhshëm”. Më pas, mbrojtësi juventin ndalet të komentojë edhe propagandën e fundit të presidentit të Milanit, Silvio Berlusconi, mbi vendosjen e një çmimi tavan për pagat e lojtarëve. “Kur ka përmendur çështjen e pagave, mbase Berlusconi i referohej vetëm lojtarëve që paguan ai... Nëse argumenti ishte i përgjithshëm, atëherë duhet të jetë ai vetë i pari që duhet të fillojë të lëvizë duke ulur çmimet e biletave të stadiumit”, përfundon Cannavaro.

Camoranesi: Gati për sfidën kundër Chievos

Mauro Camoranesi ka munguar në stërvitjen e djeshme të Juventusit, por gjithsesi nga stafi mjekësor bardhezi lajmet janë mëse pozitive, aq sa mendohet se italo-argjentinasi do t’i bashkohet sot skuadrës në stërvitje dhe mund të jetë gati për ndeshjen e parë të sezonit me Chievon. Goditja në kavilje e pësuar në miqësoren e Italisë kundër Zvicrës, tashmë nuk shkakton më dhimbje kështu që trajneri Ciro Ferrara pret me padurim mesfushorin e tij t’i bashkohet grupit tjetër të juventinëve.

Cobolli Gigli vlerëson punën e Ciro Ferraras

Presidenti Giovanni Cobolli Gigli është shumë i kënaqur nga Juventusi, pavarësisht humbjes nga pika e bardhë e penalltive kundër Milanit në trofeun “Berlusconi”. “Kam parë një Juventus që luan bukur në fushë, dëfren spektatorin, por edhe Milani ishte në formë të shkëlqyer. Trofeu ‘Berlusconi’ është gjithmonë një festë e futbollit, që gjithashtu parashtron edhe fillimin e kampionatit. Diego ka konfirmuar se është një investim i sigurt nga ana jonë, por unë realisht po pres me padurim momentin për ta parë në aksion brazilianin përkrah Del Pieros, - shprehet numri një i klubit me më shumë tituj të fituar në Itali, i cili më pas ndalet në elozhet për punën e shkëlqyer të trajnerit Ferrara. Ciro është një person i mrekullueshëm dhe po e vërteton çdo ditë e më shumë. I qëndroi pranë skuadrës edhe gjatë rënies sonë në Serinë B, u tregua i gatshëm të linte impenjimet me Kombëtaren përkrah Lippit për të marrë drejtimin e Juventusit për dy ndeshjet e fundit në sezonin e kaluar pas asnjë lloj interesi dhe pikërisht këto gjëra vlerësohen tek një person”, nënvizon Cobolli Gigli.

Zamparin: Scudeto shkon tek Juve

Gjersa Lippi mendon se Scudeton fiton Juventusi, Moggi mendon për Interin, Rui Costa mendon për Milanon, Zamaparini ju ka bashkuar mendimit të Lippit se Scudeton do të fitojë Juventusi. Ai deklaroi se: '' Scudeton do ta fitojë Juventusi. Do të jetë një kampionat mjaftë intersant, qoftë në krye të tabelës, qoftë në mes të tabelës. Do të shohim një garë të pa parë më herët'' - u shprehë Zamparini. Ai gjithashtu theksoi se Milani nuk do të jetë në garë për të fituar kampionatin, mirëpo do të jetë në garë bashkë me ne për të siguruar vendin e katërt në tabelën e klasifikimit.

Magath bllokon transferën e Juves

Trajneri i Schalke 04, Felix Magath ka bllokuar transferimin e Rafinhas në Juventus. Edhe pse futbollisti dëshironte që të kalonte tek Zonja e Vjetër trajneri Felix Magath ka refuzuar një kalim të mundshëm të Rafinhas. Juventusi ishte i gatshëm të paguajë 10 milion euro për Rafinhan, por ambiciet e Schalkes nuk lejuan që ai të transferohet.

Diego: Juventus do ta fitoj Scudetton

Assi i Juventusit, Diego është shprehur se do ti ndihmojë skuadrës që ta ngris Scudetton këtë sezonë, dhe se nuk ka gjë që mund ta ndal për ta bërë këtë. Bianconerët humbën kundër Milanit për Trofeun Berlusconi më rezultat 1 me 1, ku golashënues ishte dhe Diego, dhe ky i fundit shprehu entuziazmin përkundër rezultatit. “Juventus është gjithmonë përkrah favoritëve, por ka dhe klube të tjera,” tha Diego “Nuk merakosem për Interin apo Milanin. Ne duhet të mendojmë që të luajmë sa më mirë.” Diego bëri disa lëvizje magjike gjatë ndeshjes kundër Rossonerëve, dhe ai ishte i kënaqur me performancën e tij. “Të luash në një stadium sikur që është San Siro të jep gjithnjë ndjenja të mrekullueshme. Unë shënova golin, dhe mendova se do mund të fitonim, por megjithatë jam i lumtur,” përfundoi Diego.

Amauri: Është momenti të fitojmë gjithçka

Sulmuesi italo-brazilian synon titullin dhe Championsin me bardhezinjtë: Ne jemi më të fortët

Po vjen Amauri, Gjethja e Ullirit. Të mos bëjmë shaka, mbiemri nuk ndërrohet dot. Amauri Carvalho de Oliveira qesh. Vërtet, emri e mbiemri nuk ndërrohen, por është duke ardhur ndërkohë një pasaportë e re, ajo italiane. Le të themi se ka nisur numërimi së prapthi, duhen pak a shumë edhe 23 ditë. Pastaj sulmuesi i Juventusit do të bëhet sulmues edhe i kombëtares. Trajneri Lippi ka thënë që kur të bëhem italian, do të më marrë në konsideratë, thotë braziliani. Ky për mua është një nder i madh. Mezi pres orën që të mbarojë kjo histori. Amauri, thonë se goli juaj në Peskarë, ka reduktuar largësinë me Interin kampion në fuqi, ai që ka fituar titujt e fundit. Në moshën 29-vjeçare, çfarë përshtypje ju bën të ndiheni anti-Inter, e pyesin atë. Jam vetëm një lojtar i Juves, përgjigjet ai me modesti. Jam i kënaqur, jam mirë, skuadra është në formë. Kemi bërë një përgatitje të mirë. Jemi gati të perceptojmë atë mendësi fituese që çdo ditë trajneri ynë na e kujton. Ferrara ka qenë menjëherë shumë i qartë me ne. Ai na tha se duhet të fitonim edhe ndaj skuadrës së të rinjve. S'ka rëndësi kë ke përpara, je te Juvja dhe duhet të fitosh. Megjithatë duhen bërë llogaritë gjithnjë me Interin. Është i fortë edhe pa një sulmues të madh si Ibra, vazhdon Amauri. Do të jetë më skuadër, e kemi parë tashmë. Por s’e kemi shkurtuar akoma largësinë. Fituam një miqësore, por barazuam, duke fituar me 11-metërsha. Dhe mund të shënonim edhe një tjetër gol nga pika e bardhë. Ky është shpirti ynë, vetëm të fitojmë. Gjithnjë, kundër Interit dhe kundër më të fortëve. Ne jemi më të fortët. Kemi shumë cilësi me ardhjen e shumë kampionëve si Diego, Melo e Cannavaro. Mund të synojmë titullin dhe Championsin, duhet të përpiqemi të fitojmë gjithçka. A kam ndonjë keqardhje për Brazilin? Italia më kërkoi e para, unë dua ta respektoj Italinë. Këtu lindën dhe fëmijët e mi. Dhe këtu shpresoj të lindë dhe i treti, po mendohemi, ndoshta do të dalë në jetë së shpejti”. Një baba i shkëlqyer, sikundër një bomber i shkëlqyer: shtatë gola në shtatë ndeshje miqësore. Por Italia e Lippit nuk shënon prej tri ndeshjesh. Ndoshta për këtë po e presin… Jo, nuk është ky problemi. Unë shpresoj që të luaj një ditë në kombëtaren italiane, por Italia ka sulmues të mëdhenj si Toni apo Gilardino. Do të kthehen shpejt te goli, e mbyll Amauri.

Diego shpreson në skudeton

Përforcimi i ri i Juventusit, Diego, është i vendosur t’i ndihmojë ekipit të tij të fitojë skudeton këtë sezon dhe ai nuk do të lejojë askënd ta ndalojë. Bianconerët dështuan të fitojnë ndaj Milanit në takimin e mbrëmshëm në Berlusconi Trophy, duke u mposhtur në penalti, pas barazimit 1-1. Diego, i cili shënoi për Juventusin në këtë ndeshje vazhdon të mbetet entuziast, pavarësisht këtij rezultati. “Juventusi është në mesin e favoritëve. Por ka edhe ekipe të tjera. Nuk shqetësohem për Interin ose Milanin. Ne duhet të mendojmë të luajmë mirë”, ka thënë Diego, i cili është shprehur i kënaqur me formën e tij. Juventusi gjatë vikendit do të presë para tifozëve të vet, ekipi e Chievos në ndeshjen e javës së parë të Serie A.

Bufon: Interi, skuadra për t’u mundur

Ndonjëherë sinjale të vogla tregojnë se çfarë sezoni do të jetë. Dhe fitoret e fundit të Juves, janë një ogur i mirë. Gigi Buffon, përveç Juves së tij, ka ndjekur me kujdes edhe paraqitjet e kundërshtarëve. Dhe Interi e ka befasuar sërish: “Pashë një Inter të madh, që më ka bërë shumë përshtypje të mirë, tha portieri bardhezi, është përmirësuar edhe më shumë. Më erdhi vërtet keq që i prita penalltinë vendimtare pikërisht Santonit në trofeun Tim. Me gjithë ata të huaj që ka Interi, duhej t’ia prisja një italiani…. Megjithatë do të jetë një luftë për tre: ne, Interi e Milani. Të mos harrojmë jo favoritët e mundshëm, si Fiorentina e Roma. Besoj se kjo Juve është shumë e fortë, në gjendje të synojë gjithçka. Kanë ardhur lojtarë të mëdhenj. Klubi ka shpenzuar shumë, vetëm Reali ka blerë më shumë se ne.

Berlusconi: Fitorja kundër Juves e madhe

Presidenti i Milanit Silvio Berlusconi ishte shumë i lumtur pas performacës së klubit të tij në edicionin e 19 të trofeut Berlusconi e cila zhvillohet në kujtim të babait të tij. Rossonerët e fituan trofeun 11 herë duke mposhtur Juventusin në penalti pas ndeshjes e cila përfundoi 1 me 1 në kohën e rregullt. “Edhe pse mundëm Juven vetëm në penalti, është një ogur i mirë për një sezonë të re,” tha kryeministri Italian pas ndeshjes. “Klubi duhet të punoj në drejtime të tjera, në pjesë të ndryshme të fushës, dhe në pozicionimin e lojtarëve në fushë. Sidoqoftë, mendoj se Milan do të ketë një start të mirë në sezonin e ardhshëm. “Klubi im ideal do ishte një klub me 11 lojtarë startues dhe 6 rezervë, por unë e di se në futbollin modern kjo do ishte e pamundshme“. Milan do ketë punë të vështirë këtë sezonë në disa fronte. Do të tentojnë që të ripushtojnë Serien A të cilën nuk po e lëshon Interi, dhe të arrijnë në finalen e Ligës së Kampionëve.

Marcello Lippi parashikon: Juventus do fitoj Scudeton

Trajneri i Italisë Marcello Lippi foli për sezonën që po vjen në Serie A, dhe beson se humbjet e yjeve nuk janë të mëdha pas ardhjes së Diegos, Eto’os dhe Lucios, dhe rikthimi i lëndimit të Nestas. “Ne nuk humbëm shumë. Si zakonisht kampionati do jetë interesant dhe shumë i vështirë. Jo më i bukuri, por më interesanti,” tha ai për Sky. Në ndërkohë, përgjigja e tij për fituesin e Serie A ishte Juventus, dhe se pas emërimeve të trajnerëve të rinj në Juve dhe Milan, ai beson se mosha nuk do jetë pengesë. “Trajneri nuk ka moshë. Një trajner duhet të jetë inteligjent, kompetent, karizmatik, dhe personalitet. Të gjitha këto mund ti kesh si 40 vjeçar, por mund ti mos kesh në moshen 60 ose 65 vjeçare.” Lippi pati sukses të dyfisht me Bianconerët në Serie A, në 1994-1999 dhe nga 2001 -2004.

Ferrara: Juve duhet të punojë më shumë

Trajneri i Juventusit, Ciro Ferrara, nuk ka qenë shumë i kënaqur me paraqitjen e ekipit të tij, pas humbjes në edicionin e 19-të të Berlusconi Trophy ndaj Milanit. Ferrara shpreson se ekipi i tij, veçanërisht në fazën e sulmit, mund të përmirësohet në disa javët e ardhshme, pasi synon të punojë shumë në këtë aspekt. “Sa i takon posedimit të topit, sulmuesit ishin shumë afër njëri-tjetrit. Sonte ishte e rëndësishme të rikuperohet Diego. Mendoj se Juventsi, së bashku me Interin dhe Milanin, pa harruar edhe Romën, është një prej ekipeve që synojnë titullin në ligë”, thotë trajneri i bianconerëve. “Gjithmonë kemi luftuar fuqishëm me Milanin, por me besnikëri. Nuk besoj në fat të keq, dua ta fitoj këtë trofe (Serie A)”, ka shtuar Ciro Ferrara. Ferrara po ashtu i është referuar faktit se tradicionalisht ka parë se kur ekipi ka humbur në Trofeo Berlusconi, po thuajse gjithmonë ia ka dalë mirë në Serie A, atë sezon.

Leonardo optimist pas fitores ndaj Juventusit

Menaxheri i ri i Milanit, Leonardo, ka parë shumë shenja pozitive nga ekipi i tij gjatë fitores kundër Juventusit (në gjuajtjen e penaltive) të hënën mbrëma në Berlusconi Trophy. Ky ishte triumfi i parë i rosonerëve në para-sezon dhe paraqitja ishte shumë inkurajuese për Leonardon. “Nga kjo ndeshje mund të marrim shumë shenja pozitive, duke filluar që nga avitja për të kuptuar se me çfarë lojtarësh do të dalim në fushë për të matur veten me një ekip të madh”, ka thënë braziliani për Milan Channel. “Ishte një rrugë shumë e gjatë dhe e mundimshme, por një e cila na ka dhënë forcë shumë. Kemi tejkaluar shumë pengesa gjatë këtyre ditëve, që përfunduan në mënyrën më të mirë të mundshme”, ka shtuar më tej Leonardo. Ndeshja e parë e Milanit në Serie A në sezonin e parë do të jetë në udhëtim te Siena gjatë kësaj fundjave.

Gila sfidon Amaurin: S’kam frikë nga ai!

Sulmuesi i Fiorentinës paralajmëron “rivalin” e tij juventin që mund t’ia zërë vendin në kombëtare

“Gati për Championsin”. Alberto Gilardino është i bindur se Fiorentina do të ketë sukses kundër skuadrës së Sportingut të Lisbonës: “Jemi një skuadër e fortë, që do të bëjë mirë dhe të befasojë publikun, duke filluar që nga dita e martë në ndeshjet paraeliminatore të Championsit kundër portugezëve”, ka thënë sulmuesi vjollcë. “Këtë vit duam të jemi më konkretë në krahasim me vitin e kaluar, gjithsesi duke treguar kujdes ndaj vështirësive që nga ndeshja kundër Sportingut. Mutu? Për ne është vendimtar”. Në lidhje me vendimin, që e ka dënuar lojtarin rumun t’i paguajë 17 milionë euro Chelseat, Gilardino ka nënvizuar se si gjithë skuadra “është afër Mutus në nivel moral”. Ndërsa, duke iu rikthyer Sportingut, ish-lojtari kuqezi i ka idetë e qarta në lidhje me kundërshtarët e ardhshëm në Champions: “Sportingu ka një kulturë dhe një eksperiencë futbollistike të rëndësishme në nivelin europian. Do të duhet të jemi të përqendruar për të gjithë 90 minutat dhe të kërkojmë të shfrytëzojmë rastet që do të na paraqiten”. Duke konfirmuar se ai po i afrohet gjithnjë dhe më shumë gjendjes së tij më të mirë fizike ai tha: “Gjatë këtyre ditëve e ndiej se këmbët lëvizin më ndryshe në krahasim me ditët e kaluara”. Sulmuesi i skuadrës vjollcë më pas ka folur për pakënaqësitë, që kanë shoqëruar lëvizjet në merkato që janë bërë nga drejtuesit e klubit: “Në fillim të sezonit ka patur gjithmonë skepticizëm për këtë skuadër, por nuk duam të ndikohemi nga këto gjëra, grupi është i fortë dhe i bashkuar. Për merkaton mendoj se është folur shumë dhe ndonjë nga repartet e skuadrës është fajësuar padrejtësisht”. Në lidhje me luftën për titull në Serinë A për sezonin e ardhshëm Gilardino shikon “Interin dhe Juventusin me diçka më shumë në krahasim me 4-5 skuadra të tjera, që janë gati të zhvillojnë një kampionat të mirë”. Midis këtyre edhe ish-skuadra e tij, Milani, që sipas sulmuesit “do të rigjejë stilin e saj”. Në fund Gilardino ka folur edhe për mundësinë për të parë Amaurin tek kombëtarja italiane: “Nuk kam asnjë frikë ndaj tij, as nga sulmues të tjerë. Ekziston konkurrenca e duhur dhe unë ndihem gati si për Fiorentinën ashtu edhe për kombëtaren, edhe pse e di se nuk do të jetë e lehtë të përsëris rezultatet, që kam arritur sezonin e kaluar”.

Milan fiton trofeun ” Luigi Berlusconi “

Milan më në fund ka arritur të shënoj një sukses në parapërgatitjet për sezonën e re. Pas parasezonës turpëruese Milan ka zbardhur fytyrën vetvehtes duke fituar Trofeun Luigi Berlusconi dhe kështu duke u mbyllur gojën kritikëve të futbollit për formën e saj. Të dyja skuadrat shfaqën lojë të shkëlqyer por Milanit i duhej fitorja pasi që vërehej një dezertim tifozësh. Të parët kaluan në epërsi Bianconerët në minutën e 28 me anë të Diegos për rezultatin 1 me 0. Por më pas duke parë presionin që vinte nga tribunat, Rossonerët shtrënguan dhëmbët dhe arritën të shënojnë, me anë të Patos në minutën e 69. Ndeshja përfundoi me rezultat të barabartë, kurse për ta përcaktuar fituesin do duhesh zhvilloheshin vazhdimet ku nuk u shënuan gola, dhe kështu ndeshja u përcaktua në penalti. Milan fitoi trofeun Berlusconi pasi qe ishin më të saktë në penalti duke fituar 5 me 4. Milan shënon fitore shumë të rëndësishme para startit të Serie A ku do të jetë mysafir i Sienës, ndërsa Juventus pas humbjes së dytë në parasezonë do ta pres në Olimpico të Torinos Chievon.

Parashikim: Milan – Juvenuts ( Trofeo Berlusconi )

Sonte me fillim nga ora 20:45 fillon spektakli për nder të trofeut “ Luigji Berlusconi” i cili zhvillohet ndërmjet Milanit dhe Juventusit në San Siro. Duke parë formën e dobët të Milanit në parasezonë dhe supertransferimet e Juventusit pritet të jetë një ndeshje interesante. Në fakt Berlusconi dëshiron që me çdo kusht Leonardo dhe skuadra e tij të shënoj fitore, pasi që nuk dëshirojnë të turpërohen para tifozëve pasi që edhe ashtu janë paralajmëruar protesta për merkatkon katastrofale të Milanit. Favorit absolut për këtë ndeshje është Juventusi. Pas përforcimeve që kanë bërë bianconerët vështirë se do ti bëjë ballë Milani me formën e dobët të treguar në parasezonë, por megjithatë pritet të zhvillohet një ndeshje shumë interesante në San Siro, për vet faktin se Milan kërkon fitoren e parë në parapërgatitjet dhe një humbje e sotshme do ishte një katastrofë për tifozët e Milanit.

Formacionet e paralajmëruara për këtë ndeshje janë:

Milan
(4-3-1-2): Storari; Zambrotta, Nesta, Thiago Silva, Jankulovski; Gattuso, Pirlo, Flamini; Ronaldinho; Huntelaar, Pato.

Juventus
(4-3-1-2): Buffon; Grygera, Cannavaro, Legrottaglie, De Ceglie; Salihamidzic, Felipe Melo, Marchisio; Diego; Amauri, Del Piero.

Falque: Diego më i mirë se Kaka

Talenti i ri brazialian i Juventusit, Yago Falque beson se skuadra e tij ka mentalitetin e Barcelonës, dhe ndjen se Diego është më i mirë se Kaka. Ish talenti i Barcelonës , tani i Juves, ka impresionuar Ciro Ferraran me paraqitjet në parasezonë. Falque ka krahasuar dy brazilianët, dhe beson se Zonja e Vjetër është si Barcelona duke dërguar një sinjal të ashpër dhe kërcënues për klubet tjera europiane. “Diego është një kampion dhe ai do bëhet shumë i fortë te Juventus. Mendoj se ai është më i mirë se Kaka,” tha Falque për Tuttosport. “Barcelona dhe Juventus? Loja në Spanjë dallon, por të dyja klubet janë të mëdha dhe janë shumë të ngjashme.Juvntues ka të njëjtin mentalitet fitues si Barcelona.”

Ferrara Interi, shembull për t u ndjekur

Në prag të trofeut “Luigi Berlusconi” ndaj Milanit sot në “San Siro”, trajneri s’u zë besë kuqezinjve

Interi ka treguar se nëse është akoma nevoja, duhet të jetë më i fortë. Megjithatë është një pikë referimi për ata që duhet ta ndjekin, besoj se duhet marrë si shembull për ata që duan të fitojnë”. Ciro Ferrara flet edhe për kampionatin në prag të trofeut “Luigi Berlusconi”, përballja tradicionale e verës mes Milanit dhe Juventusit në “San Siro”. “Kuqezinjtë kanë pasur probleme të ndryshme në fazën e përgatitjes, por do të synojnë të bëjnë një figurë të mirë para tifozëve të tyre”, - shtoi trajneri bardhezi. Por një tjetër çështje që e shqetëson shumë teknikun juventin, është edhe ajo e “Sissokos”: “Duam ta riaftësojmë mirë, do të jemi të kujdesshëm. Momo ka pësuar një ndërhyrje kirurgjikale dhe duhet koha e mjaftueshme që të mund të rikthehet në gjendjen më të mirë. Nuk ishte e drejtë të sforcohej për dhembjet që kishte, për gjëra të tilla as që ia vlen të rrezikosh. Sissoko është një lojtar shumë i fortë, shumë i rëndësishëm, por ne duam ta kemi të gatshëm 100%, pa rrezikuar gjë”. Në të vërtet, në prag të trofeut “Berlusconi”, është për t’u verifikuar edhe gjendja e Del Pieros dhe Marchisios, të cilët mund të mungojnë sonte në “San Siro”, por të gatshëm për javën e parë të kampionatit, ndërsa ka një shpresë të vogël për brazilianin Diego: “Do ta vlerësojmë ditët në vijim dhe do të marrim një vendim, është një përkushtim për të cilin është i gatshëm edhe ai”, - nënvizon Ferrara. Megjithatë Juventusi do të gjejë sot një Milan në vështirësi, por Ferrara nuk u zë besë kuqezinjve dhe kërkon fitoren, edhe pse një sukses i ri ndaj skuadrës së Leonardos, do të shtonte kohët e fundit besimin e kësaj Juveje, ku tifozët besojnë si asnjëherë tjetër, duke parë entuziazmin që i ka shoqëruar bardhezinjtë gjatë gjithë verës. “Entuziazmi të bën mirë dhe fitoret të ndihmojnë, sepse të lejojnë të punosh me qetësi, - komenton trajneri i “Zonjës”. - Por ne e dimë që duhet të përmirësohemi në disa aspekte dhe të punojmë me qetësi dhe përulësi, kështu do të arrijmë të marrim shumë kënaqësi. Të punosh me shumë entuziazëm të ndihmon, por duhet të qëndrojmë me këmbë në tokë, sepse ajo që kemi bërë deri dje nuk ka aspak rëndësi. Rëndësi kanë fitoret zyrtare dhe jo ato të verës”. Ferrara është shumë i kujdesshëm teksa flet, ndonëse Juventusi fitoi të premten edicionin e nëntë të trofeut “Tim” në Peskarë në sfidat 45-së minutëshe ndaj Interit e Milanit. Fillimisht bardhezinjtë mundën skuadrën e Mourinhos me 11-metërsha 7-6, pasi koha e rregullt u mbyll 1-1 (shënuan Thiago Motta e Amauri). Pastaj skuadra e Ferrarës mundi Milanin 2-0, falë golave të Amaurit sërish dhe Iaquintas. Ndërkohë Interi fitoi derbin me Milanin me një gol të Balotellit.

Amauri: Juventusi ka një të ardhme të bukur

Golat e brazilianit i kanë dhuruar bardhezinjve fitoren ndaj zikaltërve dhe kuqzinjve në Trofeun Tim

“Sapo jam kthyer”. Amauri e thotë këtë fjali në një reklamë, e para e karrierës së tij, ku edhe kërkon t’i dërgojë të gjithë me pushime. Qesh, çon duart lart dhe kërkon falje me këtë frazë. Sapo ka bërë një veprim të rëndë, ka fikur dritat e stadiumit, një strategji jo e menduar mirë për të ndaluar Camoranesin, që po hidhet në kundërsulm. Camoranesi në Peskara mungon, por dritat fiken gjithsesi. Errësira në stadium, ka ndodhur kur në fushë ishin Milani dhe Interi. Dritat e reflektorëve kanë qëndruar të fikura për tetë minuta. Dakord, por i dyshuari numër një ku është? Asnjë problem, Amauri ka qenë afër fushës. Ka arritur të ngushtojë diferencat me Interin: penallti e fituar (e humbur nga Iakuinta) dhe më pas goli, pas një gabimi të pafalshëm të zikaltërit Rivas. Ka qenë një ndeshje jo shumë e rëndësishme e mesit të gushtit, por prej disa muajsh flitej për këtë dhe atëherë midis gjykimeve të tjera mund të shtohet edhe ky: diferenca është ngushtuar, ajo diferencë me Interin dominues në Serinë A.

FJALË - Ndërkohë i dyshuari qëndron jashtë dhe këtë herë dritën ai e ka ndezur. Më pas ka edhe diçka për të thënë: “Ndeshje e bukur kundër Interit. Kemi vuajtur, por në fundin e ndeshjes kemi shfrytëzuar siç duhej të vetmin rast që kemi patur. Kemi provuar të luajmë me skemën 4-2-3-1, por natyrisht na mungon akoma diçka. Po përpiqemi të përballojmë gjithë punën e madhe që kemi bërë gjatë kësaj periudhe. Por mund të themi se e ardhmja premton për mirë”, ka thënë Amauri. Është një e ardhme e tëra përpara dhe braziliani ka shumë uri. Ka shënuar golin kundër Interit, ku ka luajtur i vetëm në sulm. Ka shënuar sërish kundër Milanit, kur ka patur në krah Iaquintan. Në sfidën kundër kuqezinjve pasimi ka ardhur nga 19-vjeçari Yago. Edhe një herë një goditje me të djathtën nga jashtë zone dhe një fitore 1-0 edhe kundër Milanit. Një stinë vere me të vërtet premtuese për të ardhmen.

PERSERITJE - Premtime të tjera. Të hënën e kaluar, Amauri ka bërë një parashikim. Ka sfiduar burokracinë italiane. Ai, si njeri i drejtpërdrejtë që është ka thënë: “Pas një muaji do të jem italian”. Është historia e pasaportës së dytë, ajo që do t’i hapë dyert e kombëtares. Gigi Buffon “pret me padurim”, trajneri i kombëtares “axurre”, Marcello Lippi, gjithashtu. Ndoshta ngaqë Italia e tij nuk shënon prej tri ndeshjesh. Ndoshta ngaqë në shtatë sfida (gjatë kësaj vere) Amauri ka shënuar plot shtatë gola deri tani. E qartë? Duhet gjithmonë dikush që të ndezë dritën. “Oh, unë sapo jam kthyer”. I bindur për këtë është edhe shoku i tij te Juvja, Giorgio Chiellini, i cili pranon: “Amauri ka zgjedhur Italinë. Ai na ka siguruar të gjithëve se sapo të marrë pasaportën italiane, do të presë një thirrje nga trajneri Lippi. Si juventin jam i kënaqur”.

Ferrara kërkon fitore

Në prag të sfidës mes Milanit dhe Juventusit për 'Trefeun e Berlusconit', trajneri i zonjës së vjetër Cirro Ferrara mendon se skuadra e tij duhet ta fitojë këtë ndeshje. "Nuk dua të jem i kënaqur vetëm me paraqitjen e skuadrës, por dua që edhe ta fitojmë këtë ndeshje. Kjo është një ndeshje me traditë dhe të ndihmon shumë që të rikuperosh gabimet" - theksoi Ferrara.

Amauri synon gjithçka

Sulmuesi i Juventusit, Amauri mendon se skuadra e tij e ka potencialin e plotë që të luftojë për të fituar gjithçka në sezonin e ri. "Interi është e fortë edhe pa Ibrahimovicin. Por ne kemi disa futbollistë kualitativ si, Melo, Diego, Caceres dhe Cannavaro që erdhën këtë verë. Ne mund ta fitojmë Scudetton por edhe ligën e kampionëve, ne kemi për të provuar që të fitojmë gjithçka" - deklaroi Amauri.

Buffon i vendosur për Scudetton

Portieri i Juventusit, Gianluigi Buffon është i sigurtë se skuadra e tij në edicionin e ri do të hyjë me qëllim të qartë, të stoliset me scudetton e radhës. Sipas Buffonit, Juve ka krijuar një skuadër të fortë dhe nuk ka dyshime rreth kësaj. Gjithashtu Gigi Buffon e ka paralajmruar skuadrën e tij që të ketë kujdes nga Palermo, Fiorentina dhe Napoli, skuadra të cilat i ka cilësuar si ndër me të fortat në Serie A.

Ferrara: Për të luajtur, duhet të luftosh

Trajneri i Juventusit Ciro Ferrara deklaroi se Interi ende është një skuadër e fortë, ndërsa Milani edhe pse ka ende probleme ai është ekip i madh. Por ne kemi dëshirë për të fituar, dhe do të bëjmë atë. Ai i cili dëshironë të luajë në njëmbëdhjetshën e parë duhet të luftojë për atë dhe të meritojë fanellën e titullarit - u shpreh trajneri bardhezi, Ciro Ferrara.

Amauri: Juve luajti mirë kundër Interit dhe Milanit

Sulmuesi i Juventusit, Carvalho Amauri, ishte protagonisti kryesor i bardhezinjve në të dyja ndeshjet e vlefshme për Trofeo Tim Cup, duke shënuar nga një gol edhe kundër Interit dhe kundër Milanit, dhe njëkohësisht u shpall lojtari më i mirë i turneut. “Gjithçka shkoi mirë. Luajtëm lojë të bukur. Interi paksa na i vështirësoi punët, por ne fituam”. “Jemi duke asimiluar taktikën e re, prandaj është normale që kemi disa vështirësi gjatë kësaj periudhe”, është shprehur Amauri për Mediaset.

Ferrara krenar me lojtarët e tij

Juventusi e mposhti edhe Interin edhe Milanin, në dy ndeshjet e të premtes mbrëma për t’u shpallur fitues i Trofeo Tim për të parën herë në histori. “Jam shumë i kënaqur. Luajtëm shumë mirë kundër të dyja skuadrave, prandaj jemi të lumtur që fituam”. “Interi është ende skuadër shumë, shumë e fortë, dhe prandaj na shkaktuan shumë probleme. Ishim të lumtur që fituam në penallti kundër tyre”, është shprehur Ferrara pas ndeshjes.

Juve rikthehet te Grosso

Juventus ka bërë një tentativë të re për transferimin e Fabio Grossos nga Olimpique Lyon. Në rast largimi të Paolo De Ceglie drejt skuadrës së Napolit, atëherë trajneri Cirro Ferrara menjëherë do të dërgojë agjentët e skuadrës nga Torino për transferimin e Grossos dhe rikthimin e tij në Serie A.

Amauri zgjodhi Italinë

Sipas mbrojtësit të Juventusit Giorgio Cheillini, bashkëlojtari i tij Amauri, ka marë një vendim se për cilën kombëtare do të luajë. "Edhe pse nuk ka asgjë zyrtare, Amauri ka zgjedhur të luaj për Italinë. Ai është një futbollist i madh dhe mund të na ndihmojë shumë, shpresoj të luaj me të në kombëtare" - u shpreh Cheillini.

Rossi dhe Cassano vitin e ardhshëm

Pas disa transfereve të suksesshme që bëri Juventusi, dëshironte që edhe Cassanon dhe Rossin të i transferonte në skuadër, por si duket kapitulli i transferimeve për Juventusin do të përfundon dhe nuk do të mund të i transferojë dy futbollistët. Por Juventusi mendon që dy futbollistët të i transferoj vitin e ardhshëm por edhe të tentojë në fazën kalimtare në janar.

Trofeo Tim Cup: Juve mposht edhe Milanin për te fituar Trofeo Tim

Juventusi e ka mposhtur edhe Milanin për t’u shpallur fitues i garës tradicionale Trofeo Tim, e cila zhvillohet ndërmjet tre skuadrave më të suksesshme italiane. Përballja e tretë 45-minutëshe e zhvilluar ndërmjet bardhezinjve dhe kuqezinjve, ka përfunduar me fitoren e të parëve me rezultat prej 2-0. Golin e parë në këtë ndeshje e shënoi Amauri (14’), ndërsa Vincenzo Iaquinta e dyfishoi epërsinë e Juves (32’), dhe ku rezultoi të ishte goli i fundit në këtë ndeshje. Në përballjen e parë Zonja e Vjetër e mposhti Interin pas ekzekutimit të penalltive, ndërsa pas kësaj fitoreje Juventusi shpallet fitues i Trofeo Tim. Kjo është hera e parë që Juventusi shpallet fitues i këtij trofeu miqësor, ndërsa duhet të përmendim që sulmuesi bardhezi Carvalho Amauri u shpall lojtari më i mirë i kësaj gare, i cili shënoi nga një gol në të dyja ndeshjet e Juves, ndërsa lojtari më i dobët u shpall mbrojtësi i Interit, Nelson Rivas.


FORMACIONET
Milan – Juventus 0-2 (Amauri, Iaquinta).
Milan: Roma, Nesta (Onyewu), Favalli, Antonini, Oddo; Flamini, Gattuso (Harmony), Abate; Ronaldinho (Di Gennaro); Huntelaar (Inzaghi), Pato (Zigoni).
Trajner: Leonardo.

Juventus: Manninger, Caceres, Legrottaglie, Chiellini, Salihamidzic, Melo, Marrone, Poulsen (De Ceglie), Iaquinta (G. Giovinco), Yago, Amauri (Immobile).
Trajner: Ciro Ferrara.

Trofeo Tim Cup: Juve fiton derbin e parë

Në ndeshjen e parë të Trofeo Tim, Interi dhe Juventusi barazuan me rezultat prej 1-1, ndërsa Zonja e Vjetër shënoi fitore pas ekzekutimit të penaltive. Është zhvilluar ndeshja e parë e Trofeo Tim, ndërmjet Interit dhe Juventusit në Pescara, e cila përfundoi me fitoren e bardhezinjve, të cilët ishin më të saktë nga pika e bardhë. Thiago Motta shënoi për Nerazzurët (26’), ndërsa Amauri barazoi rezultatin për të siguruar penalltitë, pas ekzekutimit të të cilave Bianconerët ishin më të saktë. Pas kësaj ndeshje, Juventusi kryeson me dy pikë ndërsa Interi gjendet në vendin e dytë me një pikë. Ndeshja e radhës zhvillohet ndërmjet Interit dhe Milanit, ndërsa pastaj do të luajnë Juventusi me Milanin.

FORMACIONET
Inter – Juventus 1-1 (penallti 6-7).
Inter: J. Cesar; Santon, Samuel, Materazzi, Chivu; Viera, Cambiasso (Krhin), Motta, Stankovic (Balotelli); Quaresma (Rivas), Mancini (Milito).
Trajner: Jose Mourinho.

Juventus: Buffon, Grygera, Cannavaro, Legrottaglie, Molinaro, Felipe Melo, Poulsen, Salihamidzic, Tiago, Amauri, Iaquinta.
Trajner: Ciro Ferrara.

PENALLTITË: Milito (I) gol, Salihamidzic (J) gol, Balotelli (I) gol, Grygera (J) gol, Chivu (I) gol, Melo (J) gol, Motta (I) gol, Poulsen (J) gabon, Samuel (I) gabon, Amauri (J) gol, Vieira (I) gol, Iaquinta (J) gol, Santon (I) gabon, Legrottaglie (J) gol.

Caceres do të luajë me numrin 2: Jam këtu vetëm për të fituar

22-vjeçari Martin Caceres ka kaluar me shumë sukses vizitat mjekësore dhe tashmë është i gatshëm të vihet nën urdhrat e trajnerit Ciro Ferrara. Mbrojtësi uruguajan, i huazuar te “Zonja e Vjetër” nga skuadra e Barcelonës, do të veshë fanellën me numrin 2 për sezonin e ardhshëm, numri që për shumë vjet është mbajtur nga trajneri Ciro Ferrara, por edhe nga legjenda e mbrojtjes bardhezi, Claudio Gentile. Martin Caceres, pas një eksperience jo shumë pozitive te Barcelona, e di mirë që ky është shansi i tij i artë për të vënë në dukje cilësitë reale që ka dhe premton se nuk do ta humbasë një shans të tillë. “Jam shumë i lumtur dhe pres me padurim të filloj aventurën time të re. Shpresoj që të mos zhgënjej asnjë nga drejtuesit, shokët e skuadrës dhe tifozerinë - janë fjalët e para të 22-vjeçarit uruguajan si juventin. Padyshim që pas Barcelonës të jem pjesë e Juventusit sigurisht që është një ëndërr shumë e bukur për mua. Në Torino mbërrij me sigurinë se me vete nga Catalunyà kam sjell shpirtin fitues të skuadrës së Barcelonës, ndaj të njëjtat fitore të arritura në sezonin e kaluar kërkoj t’i realizoj sivjet me shokët e mi të rinj”, përfundon deklaratën e tij të parë si juventin Martin Caceres. Ndërkohë, edhe menaxheri i tij, Daniel Fonseca, ish-sulmues i Juventusit në vitet ’90, ka shprehur bindjen se Caceres do të fitojë shumë shpejt zemrat e tifozerisë bardhezi. “Është një lojtar që nëse do të ambientohet shpejt me skemat e Ferrarës, do ta ndihmojë shumë repartin e mbrojtjes juventine. Kam bindjen se ai nuk do të zhgënjejë asnjë në Torino dhe do të ketë një karrierë të gjatë e të pasur me suksese në Serinë A”, thekson menaxheri Daniel Fonseca.

Drejtori sportiv bardhezi “i fut shkelmin” Poulsenit

Alessio Secco është shumë i lumtur nga blerja e mbrojtësit uruguajan, Martin Caseres, ndërkohë që del hapur me deklaratat e tij kundër Christian Poulsenit. “Ai është një lojtar që nuk na shërben absolutisht dhe sa për mua, karriera e tij me fanellën e Juventusit tashmë ka përfunduar. Sigurisht që ai ka një kontratë me ne, por nuk bën pjesë në planet tona dhe duke parë që verën e ardhshme është edhe kampionati botëror, Poulsen bën mirë të gjejë një sistemim tjetër”, shprehet drejtori sportiv i “Zonjës së Vjetër”, Alessio Secco.

Juventusi i Ferrarës, leksion yjeve të Realit

E kishte mundur dy herë në sezonin e kaluar të Ligës së Kampioneve, por Juventusi i ri i Ferrarës fiton sërish kundër “galaktikëve” milionerë të Florentino Perezit. Cristiano Ronaldo dhe Benzema (në mungesë të Kaka'së) duket se nuk mjaftojnë për Realin e Madridit. Ndërkohë, Juventusi (pa brazilianin Diego) duket më e balancuar në fushë, të paktën për këtë pjesë të sezonit sesa spanjollët, ndonëse mbrojtja lë disi për të dëshiruar. Takimi i zhvilluar në stadiumin e Sevillas ishte i vlefshëm për gjysmëfinalet e Kupës së Paqes, por loja e zhvilluar nga të dyja formacionet nuk kishte aspak lidhje me paqen. Në terrenin e vështirë të Sevillas, Juventusi dhe Reali i Madridit ndeshen me njëra-tjetrën, njësoj sikur kjo përballje të ishte e vlefshme për finalen e Ligës së Kampioneve dhe jo për finalen e një turneu veror. Shumë kartonë të verdhe dhe shumë dëmtime të ashpra, aq sa në momente të ndryshme është rrezikuar seriozisht dëmtimi serioz i Cristiano Ronaldos, pas një ndërhyrjeje shumë të ashpër të Grygeras në minutat e fundit të ndeshjes. Fabio Cannavaro hap shumë shpejt valsin e golave, kur në minutën e tretë mposht portierin madrilen, Dudek, dhe në një farë mënyre hakmerret ndaj ish skuadrës së tij. Katër minuta nga fundi i 45 minutave të para, Chiellini gjunjëzon në zonë kapitenin Raul dhe Cristiano Ronaldo realizon nga pika e penalltisë. Në pjesën e dytë, Hasan Salihamidzic, sërish me një goditje me kokë “shkund” rrjetën e “galaktikëve” dhe kështu “Zonja e Vjetër” i jep një përgjigje të fortë sezonit futbollistik që pritet të fillojë. Për Kupën e Paqes, Juventusi do të gjejë në finale anglezët e Aston Vilës e cila në gjysmëfinalen tjetër ka eliminuar portugezët e Portos.

[Fotografi] Caceres i lumtur

Transferi i ri i Juvnetusit, Martin Caceres është shumë i lumtur që është huazuar tek skuadra e Juventusit. 22-vjeçari tashmë gjendet në Torino, ku i ka kaluar testet mjekësore. " Jam shumë i lumtur të jem këtu tek skuadra e Juventusit, mezi pres të fillojë të luaj" - deklaroi Martin Caceres për mediat Italiane. Lojtari pas qëndrimit në Torino, është shpërngulur për disa ditë në Como të Italisë, ku në vend të pushimit luksoz ka zgjedhur përgatitjet për sezonin e ardhshëm.

Moggi: Juve dhe Inter favorit

Ish drejtori sportiv i Juventusit, Luciano Moggi deklaroi se Juventusi dhe Interi janë favoritët për të fituar Scudeton. Skudrat tjera kanë më pakë shanse. Palermo ka bërë një punë të mirë gjatë këtij afati kalimtarë, duke angazhuar Zengan si dhe talentin argjentinas, Pastore dhe kanë bërë një skuadër të mirë, por përsëri po e them se Juve dhe Inter janë favoritët, u shpreh i njohuri Big Luciano.

Del Piero: Juve është skuadër më e mirë se Reali

Legjenda e Juventusit, Alessandro Del Piero, thotë se skuadra e tij është më e mirë se Real Madridi duke llogaritur fitoren e të premtes mbrëma në kuadër të Peace Cup. Zonja e Vjetër i mposhti Los Blancos me rezultat prej 2-1, ndërsa në të dy golat e Bianconerëve ishte asistues ikona bardhezi. Kjo ishte fitorja e tretë e Juventusit kundër Real Madridit brenda një viti duke llogaritur dy fitoret në kuadër të Ligës së Kampionëve. “Gjithmonë ka emocione të cilat të kënaqin dhe kurrë nuk mësohesh me to. Luajtëm shumë mirë dhe ishim të organizuar dhe kompakt, duke lënë përshtypjen se ne jemi skuadër më e mirë (se Reali)”. “Këto janë fitore të rëndësishme të cilat shtojnë motivimin. Ne kemi dëshmuar se mund të luajmë sërish në nivelet më të larta të futbollit dhe kundër çdo skuadre”, ka thënë Del Piero. Të dielën, Juventusi përballet me Aston Villan në finalen e Peace Cup në Estadio Olimpico në Seville.

Diego: Do të kthehem së shpejti

Mesfushori i Juventusit, Diego, u ka thënë tifozëve bardhezi që të mos shqetësohet për të, sepse ai do të kthehet shumë shpejtë në fushë. Transferi i sivjetmë i Zonjës së Vjetër u detyrua të mungonte në gjysmëfinale të Kupës së Paqes, pasi që kishte lodhje muskulore- një gjendje e cila nuk konsiderohet jo serioze nga stafi mjekësor i Juves. “Jam i pikëlluar për atë që më ndodhi. Kisha shumë dëshirë të luaja kundër Real Madridit, mirëpo nuk munda të bëj asgjë në këtë drejtim”. “Do të pushoj një kohë që të rikuperohem plotësisht. Do të kthehem shumë shpejt”, ka thënë braziliani për “Tuttosport”.

Peace Cup: Juventus elimenon Realin

Skuadra e Juventusit mposhti skuadrën e Realit të Madridit në kuadër të Kupës së Paqes (Peace Cup) me rezultatin 2-1. Golat i shënuan ish-lojtari i Realit, Fabio Cannavaro në minutën e 4' dhe Hasan Salihamidzic në minutën e 49'. Golin e vetëm për Realin e Madridit e shënoi ylli portugez, Cristiano Ronaldo nga njëmbëdhjet metërshi. Me këtë fitore Juventusi kualifikohet në Finalen e Kupës së Paqes kundër skuadrës angleze, Aston Villa, e cila do të luhet të dielën me fillim në ora 22:00. Aston Villa mposhti skuadrën e Portos gjithashtu me rezultatin 2-1.

Të dhëna rreth ndeshjes: JUVENTUS-REAL MADRID 2-1 (1-1).

Juventus (4-4-2): Buffon; Grygera, Chiellini, Cannavaro (46' Legrottaglie), Salihamidzic; Camoranesi, Felipe Melo (73' Marrone), Tiago, Giovinco (61' C. Zanetti); Del Piero (69' Iaquinta), Amauri.
Trajner: Ciro Ferrara.

Real Madrid (4-3-3): Dudek; Torres, Pepe, Metzelder, Drenthe; L. Diarra, Guti (80' Gago), Granero; Cristiano Ronaldo, Benzema (73' Negredo), Raul (73' Higuain).
Trajner: Manuel Pellegrini.

Gjyqtar kryesor: Johannesson (Suedi).
Golashënues: 3' Cannavaro (J), 41' Cristiano Ronaldo (penallti, RM), 49' Salihamidzic (J).
Karton të verdhë: Felipe Melo (J), Granero (RM), Drenthe (RM), Camoranesi (J), Salihamidzic (J), Grygera (J).

Video nga ndeshja (golat)

Diego do të mungojë kundër Realit

Juventusi ka marrë një goditje të rëndë përpara ndeshjes së rëndësishme në gjysmëfinalen e Kupës së Paqes kundër Real Madridit, pasi që mesfushori ofanziv Diego është larguar nga stërvitjet pas lëndimit të muskulit. Bianconerët e kanë konfirmuar lëndimin e brazilianit në faqen zyrtare të tyre, duke thënë se lëndimi nuk është serioz, mirëpo do ta mbajë atë larg ndeshjes së të premtes mbrëma kundër Real Madridit. Lëndimi do ta mbajë dy ditë jashtë fushe transferin e ri të Zonjës së Vjetër dhe pastaj do të shqyrtohet nëse Diego do të mund të kthehet në stërvitje.

Trezege: E ardhmja ime? Të shohim

Sulmuesi francez mund të largohet nga Juventusi para mblljes së merkatos

Kjo është vera e “do të shihet”. Bëhet fjalë pikërisht për Trezeguet. Çfarë do të bëjë ai? Do të qëndrojë tek Juventusi? “Të shohim”. Francezi ka dhënë këtë përgjigje dhe më pas është larguar nga stadiumi “Xerez de la Frontera”. Ndoshta edhe ai do të kishte dëshirë të kalonte një kufi tjetër, të kërkojë fat në një vend tjetër. Vetëm se përtej kufirit nuk e di asnjëherë se çfarë do të gjesh. Për shembull, nuk e di nëse do të arrish të gjesh një kontratë prej 4.5 milionë eurosh në sezon. Ndërkohë, Juventusi i tij sapo ka lënë pas krahëve ndeshjen “stërvitore” me skuadrën koreane dhe tani mendon për sfidën e radhës me Realin e Madridit. Atmosfera është ajo e festës dhe asnjë nuk ka dëshirë ta prishë. Askush, as Trezeguet: “Më falni, por për merkato nuk flas, mund të përgjigjem vetëm në lidhje me ndeshjen dhe përgatitjen”. Në ndeshjen e parë të Kupës së Paqes, kundër Sevillas, francezi nuk është parë në fushë. “Një problem në gju”, ka saktësuar ai. Më mirë Iaquinta, një lojtar që ndoshta gabon, por që përshkon shumë kilometra dhe duket sikur është bërë enkas për shpikjet e Diegos. Trezeguet reagon: “Do të thoja se unë kam luajtur me Zidane-in, besoj se nuk do të ketë probleme të luaj edhe me Diegon. Ai është brazilian dhe unë jam gjysmëargjentinas, jemi të dy amerikanojugorë, do të dimë të kuptohemi”. Kështu, duket se mbrëmja do të kalojë në qetësi. Ndërkohë, Milani, nëpërmjet presidentit Berlusconi, ka bërë të ditur se nuk do më të marrë një sulmues që i ka kaluar të tridhjetat dhe Juventusi, nga ana tjetër, ka bërë të qartë se nuk ka patur ndonjëherë ndërmend t’i shesë një nga sulmuesit e tij Milanit. Alessio Secco, drejtori sportiv i bardhezinjve, para se të kthehej në Torino, kishte shpjeguar atë që po ndodhte. Në përmbledhje: “Ne nuk duam ta shesim Davidin dhe, gjithsesi, nuk duam ta shesim tek një skuadër italiane. Ishte ai, në fund të sezonit, që na ka folur për një mundësi të tillë”. Përgjigja e Trezeguet: “Secco ka qëndruar këtu në Sevilje për një javë dhe nuk më ka thënë asgjë. Dhe, gjithsesi, nuk më intereson”, ka përfunduar fracezi.