Kalimi i Riberysë tek Juve mund të realizohet

Frank Ribery vazhdon të jetë në qendër të mediave për kalimin e tij të mundshëm tek skuadra e Juventusit në Serinë A. Zërat për kalimin e francezit në Torino i përforcon edhe menaxheri i tij, duke deklaruar se një gjë e tillë mund të realizohet. Në një intervistë për Tuttosport menaxheri i Riberysë shprehet se, edhe në qoftë se Bayerni nuk do të lëshojë futbollistin, përsëri ai do të shohë të ardhmen e vet. Në një sondazh të zhvilluar nga klubi i Juventusit, se kë dëshironin tifozët: Cassanon, David Silvën, apo Riberynë?, 55 % e tyre rezultuan se preferojnë këtë të fundit. Në anën tjetër spanjolli David Silva është shprehur në një intervistë, se nëse do të largohet nga Valencia, Juventusi është një mundësi për të ardhmen e tij.