Claudio Ranieri: Ne nuk jemi në një tunel

Tekniku Claudio Ranieri nuk e cilëson si shumë dramatike situatën në të cilën ndodhet skuadra e Juventusit. Situata është e ngjashme me atë të tetorit të vitit të shkuar, kur kjo skuadër po përjetonte një moment të vështirë dhe e kaloi me fitoren kunder Realit. Ranieri duket mjft optimist, duk e parë kthesën e skuadrës së tij që në ndeshjen e nesërme përballë Katanias. “Nuk jemi në një tunel, -deklaron trajneri i Juventusit, Claudio Ranieri. Ndeshja me skuadrën e Zengës është e vështirë, pasi deri tani kjo skuader ka arritur të grumbullojë mjaft pikë në shtëpinë e vet. Megjithatë, ne dëshirojmë të rikthehemi tek fitorja”. Ranieri do të ketë dy mungesa të rëndësishme edhe në këtë takim, De Ceglie dhe Marchisio. Por, pas shumë kohësh priten të jene në kamp Camoranesi e Trezeguet. Më poshtë do të paraqesim formacionet me të cilat pritet të hidhen në fushë skuadrat.