Juventus realizon transferimin e Poulsen

Mediat italiane kanë përcjellë lajmin se ekipi i Juventusit mbrëmë ka arritur marrëveshje për transferimin e Christian Poulsen nga ekipi spanjoll Sevilla. Gazzetta dello Sport ka shkruar se drejtori sportiv Alessio Seco dhe menaxheri gjeneral Jean-Claude Blanc mbrëmë kanë qenë në Spanjë dhe kanë nënshkruar marrëveshjen me Poulsen. Gazeta shkruan se për shërbimet e danezit, Zonja e Vjetër do të paguajë afër 10 milionë euro. Mesfushori do të nënshkruajë marrëveshjen, e cila do t’i sjellë atij 3 milionë euro në vit. Ekipet ende nuk kanë pohuar asgjë zyrtarisht, por pritet që Poulsen të udhëtojë në Torino gjatë javës që vjen, ku zyrtarisht do të prezantohet tek bardhezinjtë.