Del Piero do ta mbajë pozitën e Rooneyt

Marcello Lippi dëshiron ta modelojë sulmin e Azzurëve ngjashëm me atë të Manchester Unitedit duke e konsideruar Alessandro Del Pieron si Wayne Rooney italian. Në ndeshjen kundër Austrisë e cila do të zhvillohet në mbrëmjen e sotme, trajneri fitues i Kupës së Botës me Italinë pritet që të startojë me formacionin 4-3-3, ndërsa pika referuese e Lippit do të jetë skuadra kampione e Evropës, Manchester United, dhe treshja sulmuese Cristiano Ronaldo, Wayne Rooney dhe Carlos Tevez. “Është fascinuese të kesh një përfaqësuese me tre sulmues të cilët janë të disponueshëm për skuadrën ngjashëm siç bëri Wayne Rooney për Manchester Unitedin në Romë”. Mediat italiane kanë njoftuar se Lippi dëshiron që Del Piero ta luajë rolin e Rooneyt dhe dëshiron ta testojë sonte Djaloshin e Artë. Krah ikonës së Juves në sulm do të luajnë Alberto Gilardino dhe Antonio Di Natale.