Juventus i kthehet transferimeve

Zonja e Vjetër dëshiron t’i kthehet sërish tregut për të kërkuar shërbimet e Ever Banegas dhe Christian Ledesmas. Bardhezinjtë kanë pësuar shumë lëndime në këtë fazë parasezonale, ndërsa goditja e fundit ishte lëndimi i Cristiano Zanettit dhe Marco Marchionnit të cilët do të qëndrojnë jashtë lojë për një muaj. Juventus tani ka nevojë për zëvendësimin e tyre dhe pritet një rikthim në tregun transferimeve. “Sportmediaset” njofton se shefi ekzekutiv i Juves, Jean Claude Blanc dhe njeriu që merret me transferime, Alessio Secco, janë duke i përcjellë Banegan e Valencias dhe Ledesman e Lazios.