Juve dëshiron të lirohet nga Tiago

Sipas medieve italiane, Juventusi bën përpjekje të mëdha të lirohet nga Tiago dhe të angazhojë një lojtar të ri në vend të tij. Сorriere dello sport shkruan se drejtuesit e Juventusit shumë shpejt do të kenë takim me Tiagon, gjatë të cilit do ta bindin portugezin të largohet nga klubi. Zonja e Vjetër është e shqetësuar pas refuzimit të lojtarit të kalojë në Everton, ndërsa të njëjtën gjë e bëri edhe me Fenerbahcen, Tottenhamin dhe Newcastlen. Presidenti i klubit, Giovanni Cobolli Gigli, është i bindur se drejtori Jean-Claude Blanc do të arrijë ta bind Tiagon të largohet nga Torino. “Ai e ka aftësinë ta bind Tiagon se më e mirë për të është të pranojë largimin nga klubi”, ka thënë Gigli. Dy nga opsionet më të mundshme në të cilin drejtim mund të lëvizë Tiago janë, Porto, ose Atletico Madrid.