Mutu dhe Montolivo nuk do të luajnë kundër Juves

Fiorentina ka marrë një goditje të rëndë pasi që është njoftuar se Adrian Mutu dhe Riccardo Montolivo nuk do të jenë në gjendje të luajnë sonte kundër Juventusit. Mungesa e tyre është konfirmuar në stërvitjet e fundit përgatitore për ndeshjen e madhe, e cila konsiderohet kryesorja në javën e parë të Serie A. Mungesa e Mutu është pritur, mirëpo ekzistonin shpresa se ai do të mund të kthehej në takimin kundër Bianconerëve. Megjithatë, drejtuesit e klubit nuk dëshirojnë të rrezikojnë me superyllin e tyre. “Mutu është gjithmonë një lojtar shumë i rëndësishëm për ne, mirëpo ne kemi alternativa të shkëlqyeshme në sulm”, ka thënë trajneri i Violas Cesare Prandelli.