Legrottaglie: Nuk dua më takime miqësore

Mbrojtësi i Juventusit, Nicola Legrottaglie, ka shprehur mospajtimin e tij për takimet e shumta miqësore para sezonit të ri. Bardhezinjtë kanë qenë shumë të zënë këtë parasezon duke marrë pjesë në shumë turne dhe ndeshje miqësore, ndërsa sot pasdite kanë edhe një tjetër takim kundër Villar Perosa. Ndërkohë, Legrottaglie është i lodhur nga këto miqësore, pavarësisht se disa prej tyre kanë qenë të organizuara nga trajneri i tij, Claudio Ranieri. “Dua ta organizoj edhe një turne në bahçen time”, ka thënë me tallje Legro, duke shtuar: “Nuk mund t’i duroj më këto ndeshje. Nuk dua miqësore tjera!”