Ranieri: "I dhamë një përgjigje të fortë Evropës"

Claudio Ranieri, trajneri i Juventusit, është shprehur shumë i kënaqur nga paraqitja e skuadrës së tij në sfidën e natës së mbrëmshme kundër sllovakëve të Artmedias së Bratislavës. 4-0 është një rezultat, që e ka vulosur kualifikimin për torinezët, mirëpo tekniku kërkon të mbajë të karikuar skuadrën e tij: “Sot kemi dhënë një përgjigje të fortë, duke treguar se duam me çdo kusht të rikthehemi në Evropë. Jam shumë i lumtur nga ajo çfarë lojtarët e mi shfaqën në fushë, ndërkohë që në mënyrë të veçantë dua të përgëzoj Alex Del Pieron, i cili tregoi edhe një herë se është lideri i kësaj skuadre. Një gol i mrekullueshëm, por gjithashtu një ndeshje nën një ritëm të jashtëzakonshëm. Kualifikimi është në anën tonë, por duhet të respektojmë në maksimum edhe 90 minutat e sfidës së Sllovakisë”, tha Ranieri.