Del Piero: Nuk më shqetëson humbja nga Milani

Kapiteni i Juventusit, Alessandro Del Piero, ka thënë se humbja e mbrëmshme nga Milani, me rezultat 4-1, për Trofeo Berlusconi nuk e shqetëson atë, pasi që gjatë kësaj faze përgatitore bardhezinjtë kanë bërë gabime më të mëdha se ky. “Kjo humbje është për t’u llogaritur, mirëpo duhet vlerësuar ndryshe. E rëndësishmja është që të mos i bëjmë të njëjtat gabime në lojën kthyese të Ligës së Kampionëve”. “Mund të themi se skuadra është përforcuar, mirëpo problemi qëndron aty se po ashtu janë forcuar edhe Interi dhe Milani. Do ta shohim dallimin ndërmjet nesh në ndeshjet zyrtare”, ka thënë simboli juventin.