Giorgio Chiellini: Vuajtjet po shpërblehen

Giorgio Chiellini është shumë i lumtur pas suksesit ndaj Realit të Madridit, por edhe shumë entuziast për balancimin e repartit të mbrojtjes në “Santigo Bernabeu”. “Reparti ynë (mbrojtja) ka zhvilluar ndeshjen më perfekte ndaj Realit të Madridit. Ishim të gjithë të motivuar për të bërë më të mirën dhe mendoj se ia kemi arritur më së miri. Jemi rikthyer aty ku e meriton kjo skuadër dhe ky grup lojtarësh. Pikërisht për këtë arsye, të gjithë ne qëndruam të bashkuar edhe në Serinë B, pasi besonin te rikthimi në të tilla nivele dhe prova ndaj Realit, mendoj se e vërtetoi këtë fakt. Vuajtjet po shpërblehen. Ta shijojmë këtë fitore, pasi e meritojmë plotësisht”, shprehet Giorgio Chiellini.