Dunga: Askush nuk do të ketë vend të garantuar

Përzgjedhësi i kombëtares së Brazilit në futboll, Carlos Dunga, thotë se Amauri luan në mënyrë të shkëlqyeshme, por vendi i tij në kombëtare nuk do të garantohet. “Ai luajti shumë mirë në Palermo dhe tash luan shkëlqyeshëm dhe në një ekip të madh siç është Juventus. Ne nuk kemi biseduar me të, por kam lexuar nga gazetat dhe kam dëgjuar për kërkesat për t’i garantuar vend”, ka thënë Dunga. “Tek unë askush nuk fiton garanci. E vetmja garanci janë rezultatet”, ka shtuar trajneri brazilian.