Galliani këshillon Giglin: Mos e largoni Ranierin.

Adriano Galliani e kupton fare qartë situatën e vështirë të rezultateve që po kalon skuadra e Juventusit, pasi me një episod të tillë është përballur edhe Milani në javët e para të sezonit. Pikërisht për këtë arsye, administratori i deleguar i Milanit, ka këshilluar me shumë sportivitet presidentin e “Zonjës së Vjetër”, Giovanni Cobolli Giglin: “Juventusi duhet të vazhdojë përpara me Claudio Ranierin në krye, pasi është absurde të mendosh të largosh një trajner vetëm pas gjashtë javëve të para të sezonit. Mendoni nëse ne do të kishim shkarkuar Carlo Ancelottin vetëm pas tri ndeshjeve të para... Mbase zëvendësuesi i tij do të kishte arritur gjithashtu, të fitonte pesë ndeshje radhazi dhe ne do ta kishin shndërruar atë në një gjeni. Gjithsesi, zgjidhjet e shpejta shpeshherë nuk rezultojnë fituese dhe sigurisht që trajnerë si Ranieri e Ancelotti nuk janë të shumtë”.