Marchionni: Me Prandellin përshtatem shpejt

Pasi ka mbërritur në stërvitjen e Fiorentinës, Marco Marchionni ka folur për herë të parë mbi ardhjen e tij te vjollcët: “Erdha te Fiorentina, sepse në radhë të parë isha unë ai që doja - pohoi ish-anësori i Juves, - dhe ndodhem këtu për të treguar se cili jam. Në Firence e di se mund të ndihem i rëndësishëm, pasi në Torino më kanë ndaluar shpesh dëmtimet. Rigjeta Prandellin, e pashë shumë të qetë, qetësia e tij do të jetë shumë e rëndësishme në një sezon të gjatë si ai, që na pret. Këtu i njoh që më parë edhe pjesën më të madhe të shokëve, për këtë nuk do të jetë e vështirë të përshtatem shpejt”.