Palanca ‘sulmon’ Del Pieron për goditjet e dënimit

Goditjet e dënimit të Alessandro Del Pieros ishin krahasuar nga trajneri juventin Claudio Ranieri me ato të Massimo Palancas, ish-futbollisti i Catanzaros në vitet ‘70-’80, i ashtuquajtur ndër vite si specialisti i goditjeve të dënimit, aq sa portierët kundërshtarë i frikësoheshin atij edhe kur godiste goditjet e këndit. I ndërhyrë në një nga stacionet sportive radiofonike italiane, Massimo Palanca ka ‘sulmuar’ disi Alessandro Del Pieron dhe goditjet e tij të dënimit, pasi sipas tij, në kohët e sotme është me e thjeshtë të shënosh në këtë lloj mënyrë, pasi jo vetëm përgatitja e lojtarëve ka ndryshuar, por edhe topat janë ndërtuar në një mënyrë, duke u bërë më të vështirë për t’u pritur nga portierët. “Teknologjia sa vjen e rritet dhe sigurisht që ajo ka ndërhyrë kudo në futboll, për më shumë edhe te topi, i cili përveçse është zvogëluar në peshë, ndërtimi i tyre bëhet është bërë në një mënyrë që ai të marrë trajektore të çuditshme. Sigurisht që me këta topa në atë periudhë do të kisha shënuar më shumë”.