Schuster: Fati nuk ishte në anën tonë

Trajneri i Real Madridit Bernd Schuster ka lëvduar paraqitjen e lojtarëve të tij përkundër humbjes 2-0 nga Juventusi në ndeshjen e të mërkurës mbrëma në Santiago Bernabeu. “Rezultati nuk përkon me atë që u pa në fushë. Juventusi u tregua shumë efektiv, ndërsa neve pikërisht kjo na mungoi”. “Ata patën dy mundësi dhe i shfrytëzuan duke shënuar dy herë. Efektiviteti i tyre na ndëshkoi”. “Ne patëm më shumë mundësi mirëpo nuk arritëm të shënojmë. Fati nuk ishte në anën tonë. Mirëpo nganjëherë ndodh edhe kështu”, është shprehur trajneri gjerman.